នៅថ្ងៃទី១៣ ខែតុលា ឆ្នាំ២០២១នេះ ក្រសួងការពារជាតិបានចេញលិខិតស្តីពីសេចក្តីប្រកាសកំណត់ទីតាំងចែកប័ណ្ណចាក់វ៉ាក់ស៊ាំងដល់ប្រជាជន នៅក្នុងខណ្ឌទាំង៦ដោយឥតគិតថ្លៃ។
ប្រធានអនុគណៈកម្មការចំពោះកិច្ចចាក់វ៉ាក់ស៊ាំងកូវីដ-១៩ ក្រសួងការពារជាតិនឹងចែកប័ណ្ណចាក់វ៉ាក់ស៊ាំងកូវីដ១៩ជូនប្រជាពលរដ្ឋដោយឥតបង់ប្រាក់ នៅតាមមូលដ្ឋានកងរាជ អាវុធហត្ថខណ្ឌ ចំនួន៦ខណ្ឌ ក្នុងរាជធានីភ្នំពេញនិងនៅបញ្ជាការដ្ឋានកងពលតូចលេខ៧០ ដើម្បីបង្កលក្ខណៈងាយស្រួល ដល់ប្រជាពលរដ្ឋមកទំនាក់ទំនងទទួលយកប័ណ្ណចាក់វ៉ាក់ស៊ាំងកូវីដ-១៩ ក្រសួងការពារជាតិ នៅតាមមូលដ្ឋានរៀងៗខ្លួន ។
អាស្រ័យហេតុនេះសូមប្រជាពលរដ្ឋនៅ តាមមូលដ្ឋានដែលបានវ៉ាក់ស៊ាំងកូវីដ-១៩ដូសទី២រួចហើយអាចមកទំនាក់ទំនងជាមួយក្រុមការងារមូលដ្ឋានកងរាជអាវុធហត្ថខណ្ឌ និងក្រុមការងារនាយទាហាន នៅបញ្ជាការដ្ឋានកងពលតូចលេខ៧០ ដោយភ្ជាប់មកជាមួយលិខិតចាក់វ៉ាក់ស៊ាំងកូវីដ-១៩ ផ្ទាល់ខ្លួន ដើម្បីទទួលយកប័ណ្ណចាក់វ៉ាក់ស៊ាំងកូវីដ-១៩ ក្រសួងការពារជាតិ ដោយឥតបង់ប្រាក់។
ប្រជាពលរដ្ឋអាចមកទំនាក់ទំនងទទួលយកប័ណ្ណចាក់វ៉ាក់ស៊ាំងកូវីដ-១៩ ពីក្រុមការងារមូលដ្ឋាន កងរាជអាវុធហត្ថខណ្ឌ និងក្រុមការងារនាយទាហាននៅបញ្ជាការដ្ឋានកងពលតូចលេខ៧០ នូវរៀងរាល់ម៉ោងធ្វើការ ចាប់ពីម៉ោង៧:៣០ដល់ម៉ោង១១:០០ព្រឹក និងរសៀលចាប់ម៉ោង១:៣០ដល់ម៉ោង៥:០០នាទីល្ងាច និងតាមរយៈទូរស័ព្ទ ទំនាក់ទំនងនៅតាមមូលដ្ឋានខណ្ឌចំនួន៦ ក្នុងរាជធានីភ្នំពេញ ដូចខាងក្រោម។
