នៅប្រទេសរបស់យើងមានមនុស្សមួយចំនួន កើតជំងឺធាត់ និងជំងឺទឹកនោមផ្អែម បណ្តាលមកពីការហូបរបស់គីមីឆ្នៃប្រឌិតដែលមានជាតិស្ករកម្រិតខ្ពស់ និងគ្មានលំហាត់ប្រាណ ដើម្បីជំរុញអាំងស៊ុយលីន។ តែពេលនេះ មានផ្លែឈើមួយប្រភេទ មានលក់នៅខ្មែរយើង ពិតជាល្អចំពោះសុខភាពក្នុងការគ្រប់គ្រងឡើងគីឡូ និងការពារជំងឺទឹកនោមផ្អែម។ តើផ្លែឈើមួយនេះ មានឈ្មោះអ្វី?
តាមការស្រាវជ្រាវលើកដំបូងក្នុងការដឹកនាំដោយលោកវេជ្ជបណ្ឌិត Paul Spagnuolo បានរកឃើញថា ផ្លែបឺរជួយរារាំងដំណើរការកោសិការ កុំឱ្យកើតជំងឺទឹកនោមផ្អែម និងជួយគ្រប់គ្រងទម្ងន់បានល្អ។ ក្នុងការសាកលល្បងទៅលើមនុស្សមួយក្រុមបានបង្ហាញថា ផ្លែបឺរនេះ មានសារធាតុស្រូបយកជាតិស្ករពីក្នុងឈាម និងកម្ចាត់ជាតិខ្លាញ់អាក្រក់។ នៅប្រទេសកាណាដាមានប្រជាជន ៤ នាក់ មានចំនួនមួយនាក់កើតជំងឺធាត់ ជាហេតុនាំឱ្យកើតជំងឺទឹកនោមផ្អែមនេះ។ បើរាងកាយពួកគេអសកម្ម មិនអាចកម្ចាត់ជាតិគ្លុយកូសចេញពីក្នុងឈាម។
ហើយការស្រាវជ្រាវនេះ លោកវេជ្ជបណ្ឌិត Paul Spagnuolo នៅសកលវិទ្យាល័យ Guuelph មានប្រសាសន៍ថា ផ្លែឈើដែលមានម៉ូលេគុលជាតិខ្លាញ់ល្អ មាននៅក្នុងផ្លែបឺរ (AvoB) វាជួយលំពែង ដើម្បីកាត់បន្ថយអាំងស៊ុយលីន។ ពេលយើងទទួលទានផ្លែបឺរ ធ្វើឱ្យរាងកាយដុតជាតិគ្លុយកូសចេញពីឈាម។
លោកវេជជ្ជបណ្ឌិត Spagnuolo បានបញ្ចាក់ថា ចំពោះការសម្រកគីឡូ និងការព្យាបាលជំងឺមហារីកកម្ររិតស្រាលមួយចំនួន ការទទួលផ្លែបឺរនេះជាការល្អបំផុត ប៉ុន្តែបើអ្នកធ្វើលំហាត់ប្រាណជួយឱ្យមេតតាប៉ូលីសមានលំនឹងបានល្អចំពោះសុខភាពថែមទៀត។ តាមលោកបណ្ឌិត Nawaz Ahmed ជាអ្នកនិពន្ធដ៏ល្បីបានមានប្រសាសន៍ថា បញ្ហាចំពោះសុខភាព ដែលកើតឡើងរាប់ទសវតត្សមកហើយ មានដូចជាជំងឺធាត់ និងទឹកនោមផ្អែមនេះ។ ដើម្បីដោះស្រាយបញ្ហានេះ អ្នកត្រូវជ្រើសអាហារបន្លែ ត្រី និងផ្លែឈើឱ្យច្រើន និងធ្វើលំហាត់ប្រាណជាប្រចាំផងដែរ៕
ប្រភពពី៖ Sciteechdaily
អត្ថបទដោយទ្រ សុភាព