ក្រុមការងារកំណត់ត្រាទឹកនោមផ្អែម បានដាក់ឱ្យដំណើរការមុខងារថ្មី «វេជ្ជបណ្ឌិត» ដែលនឹងផ្ដល់លទ្ធភាពដល់លោក លោកស្រីវេជ្ជបណ្ឌិតដែលកំពុងព្យាបាលជំងឺទឹកនោមផ្អែម និង អ្នកជំងឺទឹកនោមផ្អែម ដើម្បីសម្រួលដល់ការធ្វើទំនាក់ទំនងរវាងវេជ្ជបណ្ឌិត និងអ្នកជំងឺក្នុងអំឡុងពេលនៃការរីករាលដាលនៃជំងឺកូវីត-១៩។

-សម្រាប់វេជ្ជបណ្ឌិត៖ លោក លោកស្រី អាចចុះឈ្មោះចូលរួមតាមរយៈ Telemedicine នៅក្នុងកម្មវិធីកំណត់ត្រាទឹកនោមផ្អែម ដើម្បីផ្ដល់នូវសេវាពិគ្រោះជំងឺតាមប្រព័ន្ធ Online (Telegram, Facebook Messenger, Skype and WhatsApp) និងតាមរយៈលេខទូរស័ព្ទផងដែរ។ បញ្ជាក់៖ រាល់ការចុះឈ្មោះ ក្រុមការងាររក្សាសិទ្ធិក្នុងការត្រួតពិនិត្យមើលខ្លឹមសារមុននឹងអនុញ្ញាតឱ្យបង្ហាញឈ្មោះជាសាធារណៈនៅលើកម្មវិធីកំណត់ត្រាទឹកនោមផ្អែម។

-សម្រាប់អ្នកជំងឺទឹកនោមផ្អែម និងសាធារណជនទូទៅ៖ លោក លោកស្រី អាចស្វែងរកវេជ្ជបណ្ឌិតឯកទេសទឹកនោមផ្អែម ដើម្បីធ្វើការប្រឹក្សា និងពិគ្រោះជំងឺតាមប្រព័ន្ធ Online (Telegram, Facebook Messenger, Skype and WhatsApp) និងតាមរយៈលេខទូរស័ព្ទផងដែរ។

អាស្រ័យហេតុនេះ សូមលោក លោកស្រី ប្រិយមិត្តដែលកំពុងប្រើប្រាស់កម្មវិធីកំណត់ត្រាទឹកនោមផ្អែមទាំងអស់ ធ្វើការ Update App ដើម្បីទទួលបាននូវមុខងារថ្មីនេះ។

សម្រាប់ប្រព័ន្ធទូរស័ព្ទ iOS: https://apps.apple.com/kh/app/carnetdia/id1435695534

សម្រាប់ប្រព័ន្ធទូរស័ព្ទ Android: https://play.google.com/store/apps/details?id=kh.info.carnetdia

អត្ថបទដោយ៖ម៉ាង វិសិដ្ឋារតន៍