អ្នកទាំងអស់គ្នាសាកស្រម៉ៃទៅមើលថាវាមានភាគរយអាចទៅរួចទេ? បើនិយាយដល់រឿងបណ្តាក់ទុនរកស៊ីបើកក្រុមហ៊ុនមិនខ្វះទេអ្នកដែលចង់ តែខ្វះអ្នកដែលហ៊ានចេញប្រឡូក។ វាអាចមកពីកត្តាជាច្រើនដែលពួកគេមិនហ៊ានចេញរកស៊ី ដូចជាបុគ្គលខ្លះ គាត់គិតថាចង់សន្សំបទពិសោធន៏ឱ្យបានច្រើនសិន ឯបុគ្គលខ្លះទៀតគិតថាត្រូវសន្សំលុយសិន ឯបុគ្គលមួយចំនួនទៀតរង់ចាំឱកាសល្អសិន គ្រប់គ្នាមានហេតុផលរៀងៗខ្លួន ដោយឡែកគូរស្នេហ៍មួយគូរដែលកម្សត់កម្រជាមួយគ្នា ខំប្រឹងសន្សំលុយបន្តិចបន្តួចពីការធ្វើការនិងរកស៊ី លក់ដូរ មានអ្វីជាកម្លាំងចិត្តទើបបានហ៊ានបើកក្រុមហ៊ុនតម្លៃរាប់មុឺនដុល្លាទាំងនៅវ័យក្មេង។

តាមរយៈការសម្ភាសជាមួយក្រុមការងារយើងបានឱ្យដឹងថា កញ្ញា សែន ពិភារ ពីមុនកាលពីមិនទាន់បើកក្រុមហ៊ុនខ្លួនឯងគឺកញ្ញាធ្លាប់ជាអ្នកលក់នំដែលក្នុងមួយកញ្ចប់ចំណេញតែ១ពាន់រៀលក៏មានដែរ តែកញ្ញានៅតែខំតស៊ូលក់ដើម្បីយកលុយរៀន រហូតសល់លុយខ្លះកញ្ញាក៏លក់ឥវ៉ាន់លើអនឡាញបន្ថែមដើម្បីរកចំណូល។ ចំណែកឯ លោក រិន សុក្រិត្យ ដែលជាគូរស្នេហ៍របស់កញ្ញាពីមុនធ្លាប់ជាក្មេងវត្ត រស់នៅក្នុងវត្តជាង១០ឆ្នាំទម្រាំអាចមានលទ្ធភាពនិងសមត្ថភាពចេញធ្វើការខាងក្រៅ។

បន្ទាប់ពីធ្វើការសន្សំលុយបានមួយចំនួនព្រមទាំងមានបទពិសោធន៏ខ្លះៗដែរ គូរស្នេហ៍មួយគូរនេះក៏បានសម្រេចចិត្តថានឹង បើកក្រុមហ៊ុនមួយឈ្មោះថា ក្រុមហ៊ុន សុក្រិត្យ និង ពិភារ ខសមេធិក ដែលជាក្រុមហ៊ុនសហការនាំចូលផលិតផលសាប៊ូកក់សក់ ភារ ព្រីមៀរ Phear Premium ពីប្រទេសកាណាដា មានគោលការណ៍ក្រុមហ៊ុនស្តង់ដារមុនគេនៅកម្ពុជាដែលយើងហៅថា ស្តង់ដារក្រុមហ៊ុនតាមប្រព័ន្ធបច្ចេកវិទ្យា ឬហៅថា E-Commerce Platform ដែលមានដាក់លក់នៅលើវេបសាយ sokrethandpiphear.com និងតាមរយៈហ្វេសប៊ុកផេក Phear Premium Cambodia។

លោកបានបញ្ចាក់ថា ក្រុមហ៊ុនមួយនេះគឺកើតចេញពីក្តីស្រលាញ់សុទ្ធសាធ, ក្តីស្រលាញ់ទី១ គឺក្តីស្រលាញ់របស់គាត់ចំពោះគូរអនាគតរបស់គាត់ ចំណែកឯក្តីស្រលាញ់ទី២ គឺក្តីស្រលាញ់របស់ កញ្ញា ពិភារ ដែលជាគូរស្នេហ៍ចំពោះសម្រស់សសៃសក់ ចំណែកឯក្តីស្រលាញ់ទី៣គឺពីគ្រួសារនឹងមនុស្សជុំវិញខ្លួនគាំទ្រ។ កញ្ញាគឺជាមនុស្សដែលស្រលាញ់សក់ជាងអ្វីៗទាំងអស់ នៅក្នុងផ្នែកថែរក្សាសម្រស់ ដូចនេះខណៈពេលកញ្ញាត្រូវរកផលិតផលខាងក្រៅមិនច្បាស់ពីរូបមន្ត កញ្ញាក៏បានពិភាក្សាជាមួយ លោក សុក្រិត្យ ហើយពួកគាត់ទាំងពីរក៏សម្រេចចិត្តថា បើកក្រុមហ៊ុនមួយនេះឡើងតែម្តងទៅ។

លោក សុក្រិត្យ ក៏បានប្រាប់មកកាន់ក្រុមការងារយើងផងដែរថា នេះមិនមែនជាការជោគជ័យអ្វីធំដុំនោះទេ ប៉ុន្តែយ៉ាងហោចណាស់វាបានជួយឱ្យមនុស្សមួយក្រុមរកចំណូលពីក្រុមហ៊ុនខ្លួនបានដែលជាផ្នែកមួយក្នុងការជួយដល់ជីវភាពប្រជាជន ហើយក៏បានជួយដល់អ្នកមានបញ្ហាសក់មិនពិបាកទៅរកនៅឯបរទេសព្រោះក្រុមហ៊ុនខ្មែរក៏មានស្តង់ដារខ្ពស់មួយដែរ ហើយលោកបានបន្ថែមថា​ ឱ្យតែយើងខំប្រឹងគ្មានអ្វីដែលថាទៅមិនរួចទេ យើងជាកូនអ្នកខ្សត់ គ្មានអ្វីរំពឹងនោះទេ ដូចនេះមានតែចំណេះដឹងនោះទេទើបអាចជួយយើងបាន៕

អត្ថបទដោយ៖​ អឿ ស្រីហួយ