សុខភាពត្រូវបានគេចាត់ទុកថា ជាកត្តាដ៏សំខាន់មុនគេទាំងអស់ មុននឹងយើងទទួលបានជោគជ័យលើកិច្ចការងារផ្សេងៗ។ គ្មានបុគ្គលិកជ័គជ័យភាគច្រើនណាអាយុខ្លី ឬសុខភាពមិនល្អនោះទេ។ ចង់ក្លាយជាអ្នកដឹកនាំ ចង់រស់នៅបានយូរអង្វែង ត្រូវតែថែរក្សាសុខភាពចម្បង រៀនកសាងទម្លាប់ពីចំណុចតូចៗទៅ។
ត្រង់ចំណុចនេះ លោកសោម សម្បត្តិ ជាសហគ្រិនចាស់វស្សាមួយរូបរបស់កម្ពុជាធ្លាប់បានលើកឡើងថា សុខភាពគឺសំខាន់ជាងអ្វីៗទាំងអស់ បើសុខភាពមិនល្អ មិនអំណោយផលហើយ ជីវិតគ្មានន័យនោះទេ។
លោកបានយកចិត្តទុកដាក់ខ្លាំងបំផុតចំពោះសុខភាព រហូតបង្កើតពាក្យស្លោកប្រចាំគ្រួសារថា «សម្រស់ជាលាភ សុខភាពជាទ្រព្យ បញ្ញាជាទ័ព សីលជាអាវុធ»។ ត្រូវថែរក្សាសុខភាពឱ្យបានល្អ កុំធ្វេសប្រហែសឱ្យសោះ។
បើមិនថែរក្សាសុខភាពឱ្យល្អទេ កុំសង្ឃឹមថា នឹងធ្វើអ្វីៗបានទៀត ឬយើងអាចនិយាយបានថាសុខភាពគឺជាលេខ១ ហើយអ្វីគ្រាន់តែជាលេខសូន្យបន្ថែមក្រោយលេខ១តែប៉ុណ្ណោះ ពេលដែលដកលេខ១ចេញ លេខ០ គឺគ្មានន័យទាំងអស់។
ដូច្នេះយើងត្រូវរក្សាសុខភាពឱ្យបានល្អ បើចង់ក្លាយជាអ្នកដឹកនាំ ព្រោះបើសុខភាពមានបញ្ហាហើយ ឧស្សាហ៍ឈឺច្រើនហើយ គឺចប់ហើយមិនអាចធ្វើអ្វីបាននោះទេ។ ដើម្បីជោគជ័យកិច្ចការទាំងអស់ ដំបូងដៃត្រូវជោគជ័យលើសុខភាពសិន ឬមានសុខភាពរឹងមាំល្អ៕
អត្ថបទដោយ៖ម៉ន វុទ្ធា