ខួរក្បាលជាផ្នែកមួយនៃរាងកាយដែលប្រើប្រាស់ច្រើនពីមួយថ្ងៃទៅមួយថ្ងៃ ហេតុននេះចាំបាច់ត្រូវថែរក្សានិងបង្កើនការការពារឱ្យបានល្អ បើពុំដូចច្នោះទេ កម្រិតសមត្ថភាពនៃខួរក្បាលនឹងមានការចុះខ្សោយពិសេសគឺការចងចាំតែម្ដង។

ខាងក្រោមនេះជាវិធីងាយៗ៤ចំណុចដែលអាចជួយខួរក្បាលអ្នកមានសុខភាពល្អនិងជួយបង្កើនការចងចាំបានល្អ៖

១.ស្កកៅស៊ូ

ការទំពារស្កនឹងជួយធ្វើឱ្យថាមពលខួរក្បាលរបស់អ្នកកាន់តែមានថាមពលនឹងបង្កើនការចងចាំបានល្អថែមទៀតផង។

តាមការស្រាវជ្រាវមួយបានបញ្ជាក់ថាការទំពារស្កកៅស៊ូនឹងជួយឱ្យអ្នកមានសមត្ថភាពក្នុងការចងចាំបន្ថែមប្រមាណជា២៥ភាគរយ។មិនតែប៉ុណ្ណោះការទំពាស្កកៅស៊ូក៏ជួយដលប្រព័ន្ធរំលាយអាហារឱ្យដំណើរការបានល្អផងដែរ។

២.រំកិលភ្នែករបស់អ្នកពីមួយចំហៀងទៅមួយចំហៀង

ជាទូទៅអ្នកនឹងអាចបង្កើនការចងចាំប្រមាណជា១០ភាគរយ ប្រសិនបើអ្នកធ្វើការសំលឹងមើលពីជ្រុងម្ខាងទៅជ្រុងម្ខាងទៀតជារាងរាល់ព្រឹកក្នុងរយៈពេលប្រមាណជា៣០វិនាទី ហើយអាចកាត់បន្ថយអត្រានៃការភ្លេចភ្លាំងបាន១៥ភាគរយ។

៣.គេងមួយភ្លែត

ការគេងមួយភ្លែតៗនៅពេលថ្ងៃ អ្នកនឹងអាចបង្កើតថាមពលទៅផ្គត់ផ្គង់ខួរក្បាលបានល្អ។

ពិសេសជាងនេះទៅទៀត បន្ទាប់ពីការរៀនអ្នកអាចគេងបន្តិច នោះនឹងជួយពង្រឹងការចងចាំបានល្អនិងលាងសម្អាតបាក់តេរីក្នុងខួក្បាលថែមទៀត។

៤.ក្ដាប់ដៃរបស់អ្នក

ដោយសាររាងកាយមានទំនាក់ទំនងទៅនឹងប្រព័ន្ធប្រសាទខួក្បាលហេតុននេះការប្រើកាយវិការក្ដាប់ដៃអាចមានប្រសិទ្ធភាពក្នុងការអភិវឌ្ឍភ្នែកខួរក្បាល។

អ្នកអាចផ្ដើមក្ដាប់ដៃខាងស្តាំដោយក្ដាប់ដៃទទេក៏បាន ឫមានកូនបាល់ក្នុងដៃដើម្បីក្ដាប់ក៏បាន។

៤វិធីងាយៗនេះអាចអនុវត្តន៍បានពីពេលនេះដើម្បីសុខភាពសួរក្បាលអ្នក កាន់តែល្អនឹងរក្សាការចងចាំបានល្អ អាចបំពេញការងារនិងការសិក្សាបានកាន់តែប្រសើរ។

ប្រភព៖ VERYWELLMIND

អត្ថបទ៖ ភោគ ម៉ារី