ខ្ញីខ្មៅជារុក្ខជាតិដែលមានប្រវត្តិយូរណាស់មកហើយនិងជារុក្ខជាតិដ៏អស្ចារ្យដែលមានគុណប្រយោជន៍មហាសាលដល់សុខភាព ប៉ុន្តែនៅក្នុងប្រទេសកម្ពុជាយើងហាក់មិនទាន់មានការពេញនិយមនៅឡើយ ខណៈដែលបណ្តារប្រទេសផ្សេងៗដូចជាថៃអាចច្នៃខ្ញីខ្មៅនេះជាអាហារបំប៉នសុខភាព មានការគាំទ្រយ៉ាងខ្លាំង។

ដើម្បីឱ្យបងប្អូនបានស្គាល់កាន់តែច្បាស់ពីរុក្ខជាតិពិសេសខ្ញីខ្មៅ ក្រុមការងារចាបបៃតងក៏បានទៅសំណេះសំណាលជាមួយម្ចាស់សិប្បកម្មមួយកន្លែងក្នុងខេត្តសៀមរាប គឺលោកស្រី​ លឹម លីលី ស្ថាបនិកសហគ្រាស Kulen Spices Enterprise ហើយទទួលបានខ្លឹមសារអត្ថប្រយោជន៍ទាំង១២របស់ខ្ញីខ្មៅដូចខាងក្រោម។ 

១.ជួយជម្រុញថាមពលនៅក្នុងរាងកាយ៖ សម្រាប់បងប្អូនដែលធ្វើការនឿយហត់ច្រើន និង ចំពោះមនុស្សចាស់ដែលមានធាតុត្រជាក់នៅក្នុងខ្លួនច្រើនមិនសូវមានកម្លាំង​ពិសាខ្ញីខ្មៅនឹងជួយឱ្យឆាប់បង្កើនថាមពលបែបធម្មជាតិនៅខាងក្នុងខ្លួនឡើងវិញ ។

២.សម្រួលប្រព័ន្ធឈាមក្នុងខ្លួនឱ្យដំណើរការបានល្អ៖ ជួយឱ្យចលនាឈាមដំណើរការបានល្អ ធ្វើឱ្យសម្រាន្តលក់ស្រួល កាត់បន្ថយស្រ្តេស ខួរក្បាលស្រលះ និងអាចបង្កើនភាពរហ័សរហួនក្នុងរាងកាយបានល្អជាងមុន។

៣.ជួយការពារជំងឺទឹកនោមផ្អែមនិងលើសឈាម៖ សម្រាប់បងប្អូនដែលដឹងខ្លួនថាកំពុងលើសជាតិស្ករឬលើសឈាម​ ក្នុងកម្រិតដំបូង អាចពិចារណាពិសាខ្ញីខ្មៅដើម្បីជួយទប់ស្កាត់ការពារកុំឱ្យវិវត្តទៅជាជំងឺធ្ងន់ធ្ងរ។

៤​.ជួយកាត់បន្ថយខ្លាញ់នៅក្នុងឈាម(ខ្លាញ់ទ្រីឃ្លីសេរីន)៖ រុក្ខជាតិខ្ញីខ្មៅនេះក៏អាចមានសមត្ថភាពកាត់បន្ថយប្រភេទខ្លាញ់អាក្រក់ៗដែលធ្វើឱ្យរាងកាយយើងធាត់ផងដែរ។

៥.ជំនួយដល់សម្រស់៖ ធ្វើឱ្យស្បែកភ្លឺរលោង ក្មេងជាងវ័យទាំងបុរសនិងស្រ្តី ។

៦.ជួយឱ្យវដ្ដរដូវដើរទៀងទាត់និងរក្សាលំនឹងអ័រម៉ូន៖ សម្រាប់ស្រ្តីដែលមានការឈឺចាប់ អស់កម្លាំងមុនឬក្រោយពេលមករដូវ អាចងាកមកពិសាខ្ញីខ្មៅបានដើម្បីកាត់បន្ថតការឈឺចាប់ បំពេញថាមពលឱ្យរាងកាយឡើងវិញ។

៧.កាត់បន្ថយការឈឺសន្លាក់ដៃជើងនិងការឈឺចាប់រ៉ាំរ៉ៃ៖​ចំពោះបងប្អូនមានបញ្ហាឈឺសន្លាក់ឬឈឺសាច់ដុំជាប្រចាំ ក៏អាចពិសាខ្ញីខ្មៅជាប្រចាំឬ៥ថ្ងៃក្នុងមួយសប្ដាហ៍បានដែរ ដើម្បីជួយសម្រួលសរសៃរនិងការឈឺចាប់ផ្សេងៗ។

លើសពីនេះទៅទៀត ខ្ញីខ្មៅ ក៏ជារុក្ខជាតិដែលមានសមត្ថភាពខ្ពស់ជួយឱ្យមុខរបួសឆាប់ជាសះស្បើយ, ជួយការពារការរលាក ,ប្រឆាំងអាលែហ្ស៊ីទូទៅ, ប្រឆាំងអុកស៊ីតកម្ម, ជួយបំបាត់ជម្ងឺអសមត្ថភាពផ្លូវភេទបុរស បង្កើនចំណង់ផ្លូវភេទឡើងវិញទាំងបុរសនិងស្រ្តី និងមានអត្ថប្រយោជន៍យ៉ាងច្រើនផ្សេងទៀតផងដែរ។

ស្ថាបនិកក្រុមហ៊ុន Kulen Spices Enterprise, លោកស្រី​ លឹម លីលី ក៏បានបញ្ជាក់ទៀតថា ខ្ញីខ្មៅ អាចប្រើប្រាស់បានចាប់ពីមនុស្សទើបពេញវ័យរហូតដល់៤៥ឆ្នាំ អាចពិសា៣ទៅ៤ដងក្នុងមួយសប្ដាហ៍ និងចំពោះវ័យ ៤៥ ឆ្នាំឡើង​ ជាពិសេសមនុស្សចាស់ដែលខ្សោយកម្លាំង បាត់បង់ថាមពលនៅក្នុងខ្លួន អាចពិសាខ្ញីខ្មៅ ៥ទៅ៦ដងក្នុងមួយសប្ដាហ៍ គឺល្អបំផុតសម្រាប់សុខភាព។ អ្នកស្រីក៏បានបន្តទៀតថាចំពោះ ខ្ញីខ្មៅ ដែលចេញពីKulen Spices Enterprise ត្រូវបានកែឆ្នៃជាផលិតផលសម្រេច រួមមានម្សៅខ្ញីខ្មៅ គ្រាប់ខ្ញីខ្មៅ​ និងតែខ្ញីខ្មៅ ដែលមានគុណភាពស្តង់ដារ និងគុណប្រយោជន៍ដូចៗគ្នា​មិនមានផលប៉ះពាល់ដល់សុខភាពអ្នកប្រើប្រាស់ឡើយ គ្រាន់តែច្នៃចេញជារូបរាងខុសគ្នាដើម្បីងាយស្រួលដាក់តាមខ្លួនប្រើប្រាស់តែប៉ុណ្ណោះ។ សម្រាប់បងប្អូនដែលចាប់អារម្មណ៍ពីអត្ថប្រយោជន៍ហើយចង់ចែកចាយបន្តពីផលិតផលទាំង៣មុខខាងលើនេះ ក៏អាចទាក់ទងដើម្បីទទួលបានសិទ្ធចែកចាយផងដែរ៕

អត្ថបទដោយ៖ កញ្ញា សេងហុង