មានបងប្អូនណាខ្លះមួយថ្ងៃៗពិបាកចិត្តនឹងរឿងញ៉ាំអាហារ មិនដឹងថាគួរញ៉ាំអ្វី? សំខាន់ជាងនោះ ចង់ញ៉ាំឱ្យឆ្អែត តែមិនចង់ឡើងគីឡូ។ អាហារពេលល្ងាចនេះផងដែរបើយើងរើសចំណីមិនបានត្រឹមត្រូវ វានឹងធ្វើឱ្យយើងមានអារម្មណ៍ថាតានតឹង ថប់អារម្មណ៍ ស្រ្តេស ហើយបណ្ដាលឱ្យយើងធាត់ផងដែរ។ ខាងក្រោមនេះជាអាហារពេលល្ងាច ដែលដកស្រង់ពីlifehackដែលល្អសម្រាប់សុខភាព និងមិនធ្វើឱ្យអ្នកឡើងគីឡូនោះទេ។
១ ត្រី ៖ ត្រីគ្រប់ប្រទេស សម្បូរដោយវីតាមីនD ហើយវាអាចជួយគ្រប់គ្រងជាតិកាល់ស្យូមនៅក្នុងខ្លួនបានល្អ ម្យ៉ាងវិញទៀតទទួលទានសាច់ត្រីងាយរលាយ សម្រួលដល់ប្រព័ន្ធរំលាយអាហារ។ បងប្អូនអាចយកត្រី ទៅចំហុយ ឬស្ងោរ គួរជៀសវាងការចំអិនដោយប្រើជាតិស្ករនិងជាតិខ្លាញ់ច្រើន។ អាចទទួលទានជាមួយនឹងបាយអង្កសម្រូប ឬបាយអង្កធម្មតាក្នុងបរិមាណតិច។
២ ស៊ុត ៖ ស៊ុតមាន់ឬស៊ុតទា ជាអាហារដែលសម្បូរដោយប្រូតេអ៊ីន មានជាតិកាល់ឡូរីទាប។ អាចយកស៊ុតទៅស្ងោរ ឬចំហុយ ដោយលាយជាមួយនឹងអំបិលឬម្រេចតិចៗ។ ម្យ៉ាងវិញទៀតអាច ចំអិនលាយជាមួយនិងបន្លែបៃតងដូចជាស្ពៃក្ដោប ពោតបារាំង ផ្កាខាត់ណាខៀវ និងបន្លែដែរសម្បូរដោយជាតិកាកសរសៃផ្សេងទៀត ព្រោះជួយសម្រួលដល់ការរំលាយអាហារ ព្រឹកឡើងបត់ជើងអស់មិនធ្វើឱ្យឡើងគីឡូ។
២ យ៉ាអួ ៖ សម្រាប់អ្នកសម្រក់គីឡូយ៉ាអួរជា អាហារដែលល្អបំផុត ប៉ុន្តែសូមជ្រើសរើសយកយ៉ាអួរសជាតិដើមដែលមានជាតិស្ករទាប។ អាចទទួលទានលាយជាមួយនឹងផ្លែឈើឬគ្រាប់ធញ្ញជាតិបាន។
៣ ទឹកដោះគោ ៖ ទឹកដោះគោជាអាហារចាំបាច់ដែលសូម្បី អ្នកឧញ៉ា វេជ្ជបណ្ឌិត គួច ម៉េងលី ក៏តែងតែលើកទឹកចិត្តឱ្យផឹកជាប្រចាំថ្ងៃ។ បងប្អូនអាចជ្រើសរើសយកទឹកដោះគោស្រស់ ឬទឹកដោះគោឆៅ និងទឹកដោះគោប្រភេទណាមួយក៏បានឱ្យតែមានជាតិស្ករទាប។ មួយវិញទៀត អាចយកទឹកដោះគោ ក្រឡុកលាយជាមួយគ្រាប់ធញ្ញជាតិ ជាផ្លែឈើដូចជា ក្រូច ផ្លែប័រ ស្រកានាគ ក៏បាន។ ទទួលទានទឹកដោះគោក៏អាចជួយឱ្យអ្នកគេងលក់ស្រួលផងដែរ។
អារហារខាងលើនេះសុទ្ធតែជាអាហារដែលញ៉ាំក្នុងបរិមាណតិចតែឆាប់ឆ្អែត ហេតុនេះបងប្អូនអាចទទួលទានធ្វើជាអាហារពេលល្ងាចបាន ថែមទាំងជួយសន្សំសំចៃលុយបានផងដែរ។ គួរទទួលទានអាហារមុនចូលគេង យ៉ាងតិច៣ម៉ោង ល្អសម្រាប់ក្រពះ និងប្រព័ន្ធរំលាយអាហារផងដែរ៕
អត្ថបទដោយ៖ Senghong
