ប្រទេសវៀតណាមបានប្រកាសកាលពីថ្ងៃសុក្រម្សិលមិញនេះថាបុរសម្នាក់វ័យ៧០ឆ្នាំបានស្លាប់នៅទីក្រុង Danangដែលជាទីកន្លែងមានការផ្ទុះឆ្លងរីករាលដាលនៃវីរុស Covid-19
កាលពីសប្តាហ៍មុនក្រោយពីមានភាពស្ងប់ស្ងាត់អស់រយៈពេលជាងបីខែកន្លងមកនេះ ។
ក្រសួងសុខាភិបាលប្រទេសវៀតណាមបានរកឃើញករណីឆ្លងថ្មីចំនួន ៤៥ករណីដែលមានជាប់ពាក់ព័ន្ធទៅនឹង ទីក្រុង Danang ដែលជាចំនួនខ្ពស់បំផុតក្រោយពីមានករណីទីមួយត្រូវបានរកឃើញកាលពីខែ មករាកន្លងទៅ ។អ្នកជម្ងឺឆ្លងថ្មីទាំងនេះមានអាយុចន្លោះ ពី ២៧ឆ្នាំ ទៅ ៧០ឆ្នាំហើយមានជាប់ពាក់ព័ន្ធទៅនឹងមន្ទីរពេទ្យចំនួនបួន និងសណ្ឋាគារចំនួនមួយនៅទីក្រុង Danang ។វៀតណាមជាប្រទេសមួយដែលមានប្រជាជនច្រើនហើយមានការទប់ស្កាត់ការឆ្លងរីករាលដាលនៃវីរុសCovid-19 បានល្អកាលពីជាងបីខែកន្លងទៅប៉ុន្តែកាលពីសប្តាហ៍មុនចំនួនករណីឆ្លងថ្មីនៃវីរុសCovid-19 ត្រូវបានរកឃើញ
ដែលចំនួនសរុបពេលនេះមានរហូតដល់៥០៩ករណីហើយ ។
បច្ចុប្បន្នរដ្ឋាភិបាលវៀតណាម បានបង្កើនការតេស្តរកវីរុសCovid-19 នៅទីក្រុង Hanoiនិងសកម្មភាពសេដ្ឋកិច្ចមួយចំនួនត្រូវបានបញ្ឈប់ជាបណ្តោះអាសន្ននៅខណៈពេលអ្នកធ្វើដំណើរក្នុងស្រុករាប់ម៉ឺននាក់ត្រូវបានលើកទឹកចិត្តឲ្យធ្វើការរាយការណ៍ក្នុងករណីសង្ស័យពីជម្ងឺរលាកផ្លូវដង្ហើមប្រភេទថ្មីនេះ ។
ក្រៅពីនេះសារជាអក្សរត្រូវបានផ្ញើរតាមរយៈទូរស័ព្ទដៃដើម្បីលើកទឹកចិត្តដល់អ្នកដែលមានប្រវត្តិធ្វើដំណើរទៅមកទីក្រុងDanang ដើម្បីមកពិនិត្យរកវីរុសCovid-19 ។ ពេលនេះវីរុសCovid-19បានឆ្លងរីករាលដាលក្នុងទីក្រុងចំនួនប្រាំមួយ និងតាមបណ្តាលខេត្តមួយចំនួនទៀតក្នុងប្រទេសមួយនេះ។
ប្រភព www.channelnewsasian.com
ប្រែលសម្រួលដោយ ហួ ភារ៉ាមានអ្នកស្លាប់ដោយសារ Covid-19ហើយ