គិតត្រឹមថ្ងៃទី ៣១ ខែកក្កដា ឆ្នាំ២០២០ យោងតាមប្រព័ន្ធតាមដានជំងឺគ្រុនឈាមថ្នាក់ជាតិនៃមជ្ឈមណ្ឌលជាតិប្រយុទ្ធប្រឆាំងនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្ររបស់ក្រសួងសុខាភិបាល ការផ្ទុះឡើងនូវជំងឺគ្រុនឈីកនៅកម្ពុជា ចាប់ពីខែកក្កដា ឆ្នាំ២០២០ ដែលមកដល់ថ្ងៃទី៣១ ខែកក្កដា ឆ្នាំ២០២០ មានអ្នកឈឺឡើងដល់សរុបចំនួន ១០២០ ករណី នៅតាមបណ្តាខេត្តចំនួន ១២ តែមានអ្នកជាសះស្បើយច្រើនសឹងតែទាំងអស់ និងមិនមានអ្នកស្លាប់ទេ នេះបើតាមការចុះផ្សាយរបស់ក្រសួងសុខាភិបាលកម្ពុជានាព្រឹកនេះ។
ប្រភពដដែលបានឱ្យដឹងថា ក្នុងចំណោមខេត្តទាំង ១២ នោះមាន៨០%នៃករណីកើតមាននៅខេត្តចំនួន ០៤ គឺ ខេត្តសៀមរាប បន្ទាយមានជ័យ និង កំពង់ចាម។ ខេត្តដែលមានករណីគ្រុនឈីកផ្សេងទៀតមានរួមមាន ខេត្តឧត្តមានជ័យ ត្បូងឃ្មុំ តាកែវ កំពត កំពង់សោម ពោធិសាត់ ស្ទឹងត្រែង និងប៉ៃលិន។
សូមអានខ្លឹមសារលម្អិតនៃសេចក្តីប្រកាសខាងក្រោម៖
ប្រភព ក្រសួងសុខាភិបាលនៃព្រះរាជាណាចក្រកម្ពុជា
អត្ថបទដោយ ហៃ សុចិន្តា