កាលពីថ្ងៃទី២៣ ខែឧសភា​ ឆ្នាំ២០២៣នេះ ក្រសួងសុខាភិបាលអាមេរិកព្រ មានអាកាសធាតុប្រែប្រួលម្តងក្តៅម្តងភ្លៀង មេរោគម្យ៉ាងឈ្មោះ អាមីបា កំពុងរីករាលដាលខ្លាំង។ ជាទូទៅមេរោគនេះ វាចូលចិត្តរស់នៅក្នុងដី ក្នុងទឹកសាប បឹង ឬក្នុងធុងស្តុកទឹកក្នុងផ្ទះ។ មេរោគដ៏សាហាវមួយនេះវាចូលរាងកាយមនុស្សតាមរយៈច្រមុះ ចូលទៅស៊ីឆ្អឹងខ្នង ស៊ីខួរក្បាលមនុស្សលឿនបំផុត។ នេះបើតាមការឱ្យដឹងពីគេហទំព័រ yahoo ។

យោងតាមរបាយការរបស់CDCអាមរិក បានឱ្យដឹងថា កាលពីពេលថ្មីៗនេះក្មេងស្រីម្នាក់ដែលមានអាយុ១៥ឆ្នាំ មានដំណើរកំសាន្តជាមួយគ្រួសារទៅលេងទឹក ងូតទឹក ជ្រមុជទឹលលែងនៅបឹងមួយកន្លែងស្ថិតក្នុងរដ្ឋ។ ឡើងមកពីទឹកវិញភ្លាមក្មេងស្រីនោះមានអាការឈឺក្បាលខ្លាំង ក្អួតចង្អោរ អារម្មណ៍ច្របូកច្របល់ ថប់ដង្ហើម ហើយក៏បានជួលសន្លប់ភ្លាមៗ។

ក្រុមគ្រូពេទ្យបានរកឃើញមេរោគ អាមីបា បានជ្រៀតចូលទៅក្នុងរាងកាយតាមច្រមុះ ប៉ុន្តែវាមិនទាន់ធ្វើដំណើរទៅដលើខួរក្បាលទេ ក្រុមគ្រូពេទ្យក៏បានប្រើថ្នាំដើម្បីសម្លាប់មេរោគនោះសង្រ្គោះក្មេងស្រីអាយុ១៥ឆ្នាំនោះបានទាន់ពេល។ ករណីមួយទៀត កាលពីឆ្នាំ២០២២ ក្មេងប្រុសម្នាក់បានស្លាប់បន្ទាប់ពីមកពីហែលទឹកវិញបាន៣ថ្ងៃ ដោយឪពុកម្តាយមិនចាប់អារម្មណ៍យកកូនទៅពេទ្យ ទុកឱ្យមេរោគនោះជ្រៀតចូលទៅស៊ីខួរក្បាល ស្លាប់។

CDCអាមេរិកព្រមានប្រជាជនទាំងអស់ត្រូវប្រុងប្រយ័ត្ន កុំចុះលេងទឹកផ្តេសផ្តាស ហើយនៅក្នុងជីវភាពរស់នៅប្រចាំថ្ងៃពេលប្រើប្រាស់ទឹក ត្រូវប្រើប្រាស់ទឹកស្អាតនៅពេលលុបលាងមុខ ដើម្បីការពារមេរោគ អាមីបា ជាពិសេសត្រូវបង្កើនការប្រុងប្រយ័ត្នឱ្យខ្ពស់នៅពេលអាកាសធាតុប្រែប្រួលនេះ បើមានអាការដូចរៀបរាប់ខាងលើត្រូវប្រញាប់ពិនិត្យ៕

អត្ថបទដោយ៖ មឿន គន្ធា