យោងតាមរបាយការណ៍ក្រសួងសុខាភិបាលព្រឹកថ្ងៃទី ០៨ មេសា ២០២១ បានបង្ហាញថាព្រឹកនេះមានករណីឆ្លងកើនឡើងដល់១១៣នាក់ក្នុង១ថ្ងៃនេះ ក្នុងនោះតំបន់ដែលមានអ្នកឆ្លងច្រើនជាងគេបំផុតគឺរាជធានីភ្នំពេញដែលមានចំនួន១០៣នាក់ គឺជាការឆ្លងក្នុងសហគមន៍ទាំងអស់។

អ្នកជំងឺកូវីដ១៩ចំនួន១០៣នាក់នេះ ក្នុងនោះមានជនជាតិខ្មែរចំនួន១០២នាក់ និងចិនចំនួន០១នាក់ ដោយឡែកមានជនជាតិខ្មែរ៤៩នាក់ និងចិន ០១នាក់ សរុប៥០នាក់បានដាក់ឱ្យសម្រាកព្យាបាលជំងឺនៅសណ្ឋាគារក្រេតឌុករាជធានីភ្នំពេញ។ ចំណែកឯអ្នកជំងឺចំនួន៥៣នាក់ទៀត មិនទាន់មានកន្លែងព្យាបាលនៅឡើយទេ ក្រសួងនឹងជូនដំណឹងបន្ថែមនៅពេទ្យមានកន្លែងព្យាបាល។

ដូចដែលបងប្អូនបានឃើញហើយថា ករណីឆ្លងចេះតែកើនខណៈមន្ទីរពេទ្យក៏អស់កន្លែងដាក់អ្នកជំងឺ ដែលកន្លងមកសម្តេចតេជោ ហ៊ុន សែន ក៏ធ្លាប់មានប្រសាសន៏ហើយថា ប្រសិនបើករណីឆ្លងនៅតែច្រើនបែបនេះ អ្នកជំងឺកម្រិតស្រាលនឹងត្រូវដាក់ឱ្យព្យាបាលតាមផ្ទះ។ សូមបងប្អូនការពារសុខភាពមួយរយៈពេលសិន ដើម្បីឱ្យកូវីដ១៩មានការស្ងប់ស្ងាត់ទៅវិញ ហើយអាចទប់ស្កាត់បានឬក៏អត់គឺអាស្រ័យលើប្រជាជនទាំងអស់គ្នាសហាករជាមួយក្រសួងច្រើនប៉ុណ្ណា៕