ជាការពិតណាស់ ស្ទើតែគ្រប់គ្នាទៅហើយសម្រាប់មនុស្សស្រី គឺតែងតែបាត់បង់សម្រស់ និងមានបញ្ហាស្បែក ស្បែកមុខឡើងមុន សង្វារ ជាំ ស្នាមជ្រួញដែលបញ្ហាទាំងអស់នេះតែងតែកើតមានបន្ទាប់ពីពពោះរួច និងកំពុងពេលពពោះ។
ដូចនេះថ្ងៃនេះ យើងនឹងដកស្រង់យកវិធីសាស្ត្រក្នុងការថែរក្សាសម្រស់កំឡុងពេលមានផ្ទៃចំនួន៥ ចំណុចដែលស្រង់ចេញពីប្រភព Canadianliving ៖
១.លាបប្រេងវីតាមីនEផ្ដល់សំណើម
ដើម្បីកាត់បន្ថយផលប៉ះពាល់នៃការកើតសង្វារ និងកាត់បន្ថយការរមាស់ក្បាលពោះរបស់អ្នក សូមលាបប្រេងវីតាមីនE ឬក៏ឡេផ្ដល់សំណើមឱ្យបានគ្រប់គ្រាន់។មួយវីញទៀត ដើម្បីចៀសវាងកើតសង្វារច្រើនសូមកុំអេះក្បាលពោះ ឬស្បែករបស់អ្នកប្រសិនបើរមាស់ ការអេះនឹងធ្វើឱ្យស្បែកងាយនឹងកើតសង្វារឬបង្ករស្នាមលឿនបំផុត។
២.ជ្រើសរើសអាហារដែលសម្បូរវីតាមីនC
អាហារដែលសម្បូរវីតាមីនCនឹងជំរុញឱ្យការផលិតកូឡាជែន និងការពារកោសិកាស្បែកពីការបំផ្លាញរ៉ាឌីកាល់សេរី។ ការសិក្សាវិទ្យសាស្ត្របានរកឃើញថា នៅពេលអ្នកបរិភោគអាហារដែលសម្បូរវីតាមីន នោះស្បែករបស់អ្នកមានសមត្ថភាពអាចទប់ទល់នឹងការបំផ្លាញអុកស៊ីតកម្ម។ ដើម្បីឱ្យស្បែកទទួលបានវីតាមីនសេ សូមញ៉ាំបន្លែផ្លែឈើដែលសម្បូរវីតាមីនសេ ជារៀងរាល់ថ្ងៃ ហើយផ្លែឈើមាន ក្រូច ម្ទេសហាហ្វៃ ផ្លែស្ត្របឺរី ក្រូចឆ្មា និងផ្កាខាត់ណា ប៉េងប៉ោះ ម្នាស់ ត្របែក ។
៣.បរិភោគអាហារដែលមានអាស៊ីតអូមេហ្គា៣
ខ្លាញ់អូមេហ្គា៣ ក្រៅពីជួយជំរុញមុខងារខួរក្បាលនិងអភិវឌ្ឍសម្រាប់ទារកដែលកំពុងលូតលាស់ ខ្លាញ់អូមេហ្គា៣ក៏ជួយឱ្យស្បែកស្អាតទៀតផង។
ប្រភពចំណីអាហារដែលសម្បូរអូមេហ្គា៣ មានត្រី មានខ្លាញ់ដូចជាត្រីសាល់ម៉ុន និងធូណា ដែលជាអាហារដែលមានជាតិខ្លាញ់ដូចជាស៊ុត អូមេហ្គា៣ នំប៉័ងឬទឹកផ្លែឈើ បូករួមទាំងបន្លែផ្លែឈើបៃតង ។
៤.ផ្ដល់ជាតិទឹកដល់ស្បែកឱ្យបានច្រើន
ញ៉ាំទឹកឱ្យបានច្រើន និងងូតទឹកឱ្យបានយ៉ាងតិច២ដងក្នុងមួយថ្ងៃ ដើម្បីផ្ដល់សំណើមដល់ស្បែកឱ្យបានគ្រប់គ្រាន់។ ការញ៉ាំទឹកនឹងជួយផ្ដល់សំណើមដល់ស្បែកបានល្អបំផុត ការញ៉ាំទឹកបានគ្រប់គ្រាន់នឹងជួយបន្ថយភាពចាស់ជ្រីវជ្រួញនៃស្បែក។ បន្ថែមពីនេះ ការញ៉ាំទឹកបានច្រើននឹងជួយថែរក្សាគីឡូរបស់អ្នក
បានល្អផងដែរ។
មួយវិញទៀត បើទោះជាកំឡុងពេលពពោះក៏ដោយ អ្នកគួរតែឆ្លៀតពេលហាត់ប្រាណតិចៗ ដើម្បីឱ្យបែកញើស បានបញ្ចេញជាតិពុល និងធ្វើឱ្យអារម្មណ៍របស់អ្នកល្អផងដែរ។ ដូចនេះ ប្រសិនបើអ្នកកំពុងតែពពោះសូមអនុវត្តជាមួយវិធីសាស្ត្រខាងលើ ដើម្បីថែរក្សាស្បែករបស់អ្នកឱ្យនៅស្រស់ស្អាតនិងភ្លឺរលោង។
អត្ថបទដោយ៖ តឹក ស៊ីថា