សម្រាប់ប្រជាជននៅទូទាំងពិភពលោករួមទាំងកម្ពុជាផងដែល បានកំពុងប្រឈមមុខនឹងបញ្ហាសុខភាពហើយកត្តាចំណីអាហារគឺជាមូលហេតុមួយដ៏សំខាន់ក្នុងចំណោមកត្តាផ្សេងៗទៀតដែលនាំឲ្យមនុស្សកើតជំងឺ ។

ថ្ងៃនេះ Healthy Cambodia នឹងនាំលោកអ្នកឲ្យបានស្គាល់អាហារប្រាំប្រភេទដែលអាចប៉ះពាល់់ដល់សុខភាពលោកអ្នកជាងការញ៉ាំជាតិស្ករទៅទៀត ។

១) ស្ករសិប្បនិមិត្ម៖ តាមការសិក្សារកឃើញថា វាមិនត្រឹមតែធ្វើឲ្យឡើងទំងន់ទេប៉ុន្តែវាក៏ធ្វើឲ្យពិបាកសម្រកទំងន់វិញដែរ ។ ការសិក្សាផ្សេងទៀតក៏បានរកឃើញថា ស្ករសិប្បនិមិត្មនេះមានជាតិផ្អែមខ្លាំង ពី ១០ ទៅ ៦០០ដងបើប្រៀបធៀបជាមួយស្ករធម្មតា ។

២) ភេសជ្ជប៉ូវកំលាំង ( Energy Drink ) ៖វាមានជាតិស្ករជាមធ្យម ៣០ក្រាម ក្នុងមួយកំប៉ុងហើយក៏មានផ្ទុកសារជាតិប៉ូវកំលាំង ដូចជា Caffeine, taurine, ginseng -ល-សារធាតុទាំងនេះធ្វើឲ្យលោកអ្នក លែងឃ្លានអាហារ និងឈប់ងងុយគេង ។

៣) Soda ៖ ជាប្រភេទអាហារមានកាឡូរីខ្ពស់ ហើយធ្វើឲ្យលោកអ្នកឡើងទំងន់ផងដែរ ។តាមការសិក្សារកឃើញថា ភេសជ្ជៈទាំងនេះ ធើឲ្យលោកអ្នកឃ្លានញ៉ាំមិនងាយឆ្អែតដែលជំរុញឲ្យចង់ញ៉ាំអាហារដែលមានការឡូរីខ្ពស់​និងមានជាតិផ្អែមខ្លាំងលើសតម្រូវការរបស់រាងកាយ ។

៤) អាហារដែលត្រូវបានផលិតក្នុងរោងចក្រ៖ អាហារទាំងនេះត្រូវបានបន្ថែម សារធាតុគីមី(Hydrogen) ដើម្បីរក្សាគុណភាពអាហារ។ ការញ៉ាំអាហារទាំងនេះ អាចបណ្តាលឲ្យលោកអ្នកប្រឈមមុខក្នុងការកើតជំងឺ បេះដូង ដាច់សរសៃឈាមក្នុងខួក្បាលនិងជំងឺទឹកនោមផ្អែមប្រភេទទីពីរទៀតផង ។

៥) Processed Meat ៖ តាមការសិក្សារបស់ Harvard School of Public Healthបានរកឃើញថា ការញ៉ាំអាហារដូចជា សាច់ក្រក សាច់ជ្រូកបីជាន់ជាដើមអាចនាំឲ្យលោកអ្នកប្រឈមមុខ ក្នុងការកើតជំងឺ បេះដូង ជំងឺទឹកនោមផ្អែមប្រភេទទីពីរជាដើម។ លើសពីនេះវាមានផ្ទុកជាតិអំបិលខ្ពស់ (៣១០ ទៅ៤៨០មីលីក្រាម )ដែលអាចប៉ះពាល់ដល់សុខភាពលោកអ្នកបានយ៉ាងងាយស្រួលទៀតផង ៕

ប្រភព www.byrdie.com

ប្រែលសម្រួលដោយ ហួ ភារ៉ា