ធូរ៉េនអាចជាមានតម្លៃថ្លៃបន្ដិចមែន ប៉ុន្ដែក្នុងផ្លែឈើមួយប្រភេទនេះសម្បូរដោយវីតាមីននិងសារចិញ្ចឹមជាច្រើនដែលបងប្អូនគួរតែញុំាវាឱ្យបានញឹកញាប់។ ក្រៅពីផ្ដល់វីតាមីនននិងសារធាតុចិញ្ចឹមហើយ វាក៏មានតួនាទីជួយការពារបងប្អូនពីជំងឺដូចជា៖

១. ជួយរក្សាកម្រិតជាតិស្ករក្នុងឈាម

ម៉ង់ហ្គាណែសនៅទុរេនអាចជួយក្នុងការថែរក្សាកម្រិតជាតិស្ករក្នុងឈាម។ រាល់ពេលដែលអ្នកហត់នឿយអស់កម្លាំងដោយសារខ្វះជាតិស្ករអ្នកអាចសាកល្បងញុំាធូរ៉េនបាន ព្រោះពួកវាសម្បូរដោយជាតិស្ករ និងវីតាមីនជាច្រើនក្នុងបំពេញឱ្យអ្នកបានយ៉ាងលឿន។ ក្នុងការសិក្សាមួយបានបង្ហាញថាការទទួលទានធូរេនក៏ជួយបង្កើនកម្រិតអាំងស៊ុយលីនចំពោះអ្នកជំងឺ ១០ នាក់ដែលមានជំងឺទឹកនោមផ្អែម។

២. កាត់បន្ថយហានិភ័យជំងឺមហារីក

ធូរ៉េនមានផ្ទុកនូវសារធាតុប្រឆាំងនឹងអុកស៊ីតកម្មដែលអាចជួយកាត់បន្ថយហានិភ័យនៃជំងឺមហារីក។ ផ្លែឈើមួយនេះមានផ្ទុកសារធាតុ Polyphenols ដែលទប់ស្កាត់ការលូតលាស់មហារីកនិងជួយសម្លាប់កោសិកាមហារីកបានទៀតផង។ ហើយជាពិសេសវាក៏ជួយប្រឆាំងនឹងកោសិកាមហារីកសុដន់របស់ស្រ្ដីថែមទៀតផង។

៣. ជួយថែរក្សាសុខភាពឆ្អឹង

ធូរ៉េនសំបូរទៅដោយប៉ូតាស្យូមនិងម៉ាញ៉េស្យូម សារធាតុរ៉ែទាំងពីរនេះជួយដល់សុខភាពឆ្អឹងរបស់អ្នកបានយ៉ាងល្អ។ ចំពោះការសិក្សាបង្ហាញថាការទទួលទានជាតិប៉ូតាស្យូមនិងម៉ាញ៉េស្យូមខ្ពស់អាចជួយលើកកម្ពស់ដង់ស៊ីតេឆ្អឹងចំពោះបុរសនិងស្ត្រីដែលមានអាយុលើសពី ៥០ ឆ្នាំ នឹងជួយដល់ការកំពុងលូតលាស់របស់ក្មេងៗវ័យជំទង់ថែមទៀតផង។

៤. ជួយពន្យារភាពចាស់

ធូរ៉េនសម្បូរទៅដោយវីតាមីនស៊ី នឹងសារធាតុចិញ្ចឹមជាអង់ទីអុកស៊ីដង់ដ៏មានឥទ្ធិពលដែលជួយកាត់បន្ថយភាពតានតឹងក្នុងអុកស៊ីតកម្មដែលបណ្តាលមកពីរ៉ាឌីកាល់សេរី។ កំរិតស្ត្រេសអុកស៊ីតកម្មទាបធ្វើឱ្យដំណើរការចាស់កាន់តែយឺត។។ ការទទួលទានធូរ៉េនជាញឹកញាប់អាចកាត់បន្ថយសញ្ញានៃភាពចាស់មុនអាយុរួមទាំងស្នាមជ្រីវជ្រួញ។

៥. ជួយប្រឆាំងនឹងជំងឺធ្លាក់ទឹកចិត្ត

ធូរ៉េនអាចជួយបំបាត់រោគសញ្ញានៃជំងឺធ្លាក់ទឹកចិត្តការថប់បារម្ភនិងស្ត្រេស។ ការសិក្សាបានបង្ហាញថាធូរ៉េនជួយក្នុងការផលិតសេរ៉ូតូនីន និងបង្កើតកម្រិតទាបនៃសារធាតុ serotonin ដែលអាចធ្វើឱ្យជំងឺធ្លាក់ទឹកចិត្តកាន់តែធ្ងន់ធ្ងរតិចជាងមុន ។

ដូនេះអ្នកគួរតែទទួលទានធូរ៉េនឱ្យបានញឹកញាប់ដើក្បីទទួលបានសុខភាពល្អ និងជួយការពារជំងឺដែលបានរៀបរាប់ខាងលើនេះ៕

អត្ថបទដោយ៖ ភី សៅឌី