នរណាក៏មិនចង់កើតជំងឺទឹកនោមផ្អែមដែរ គ្រាន់តែមិនចង់តែមាត់ តែទម្លាប់ សកម្មភាពរាល់ថ្ងៃដែលធ្វើមិនដឹងខ្លួន​គឺជាកត្តាចម្បងដ៏សាហាវមួយ ធ្វើឱ្យអ្នកកើតជំងឺទឹកនោមផ្អែមប្រភេទទី២មកបាន​។

លោកវេជ្ជបណ្ឌិត ស៊ុំ សត្ថា បានមានប្រសាសន៍ថា ជំងឺទឹកនោមផ្អែមប្រភេទទី១កើតមនុស្សវ័យកណ្តាល (Latent Autoimmune Diabetes in Adults, LADA) គឺទម្រង់មួយនៃជំងឺទឹកនោមផ្អែមប្រភេទទី១។ ជាទូទៅទម្រង់នេះខុសពីទម្រង់ទូទៅនៃជំងឺទឹកនោមផ្អែមប្រភេទទី១ (កើតលើអ្នកជំងឺវ័យក្មេង ៤-១៤ឆ្នាំ; ដែលមានរោគសញ្ញាច្បាស់តាំងតែពីដំបូងរួមមាន ស្រកទំងន់, ស្រេកទឹក, នោមច្រើន, អស់កំលាំង រឺសន្លប់)។

ទន្ទឹមនឹងនេះ អ្នកឧកញ៉ា វេជ្ជបណ្ឌិត គួច ម៉េងលី ក៏បានលើកថា មូលហេតុដែលធ្វើឱ្យមនុស្សពេលធំឡើងកើតជំងឺទឹកនោមផ្អែមប្រភេទទី២ ភាគច្រើនដោយសារការរស់នៅមិនសូវមានសកម្មភាព(មិនធ្វើលំហាត់ប្រាណ) និងការញ៉ាំអាហារមានជាតិខ្លាញ់ អាហារនិងភេសជ្ជៈផ្អែមៗច្រើន។ លោកវេជ្ជ បណ្ឌិត បានបន្ថែមទៀតថា អ្នកដែលចូលចិត្តញ៉ាំអាហារដែលចម្រាញ់អស់ៗ គ្មានជាតិសរសៃ អាហារសម្បូរកាបូហាយដ្រេតច្រើន ជាតិម្សៅច្រើន ដូចជាបាយអង្ករស នំបុ័ងធ្វើពីម្សៅដែលមិនមែនជាអង្ករសម្រូប ពពួកមី គុយទាវ បាញ់សុង ជាដើម។ ទទួលទានអាហារទាំងអស់នេះច្រើនពេក សុទ្ធតែអាចបង្កគ្រោះថ្នាក់ដល់សុខភាព។

៣វិធីការពារចៀសវាងកើតជំងឺទឹកនោមផ្អែមដោយតំណរពូជ&ទម្លាប់នាំឱ្យកើតជំងឺនេះ៖

ញុំាអាហារសុខភាព៖ អាហារសុខភាពនៅទីនេះសម្រាប់អ្នកកើតជំងឺទឹកនោមផ្អែម គឺផ្ដោតលើជាតិស្ករ​ ត្រូវកម្រិតនៅការញុំាអាហារឱ្យបានត្រឹមត្រូវ ដោយប្ដូរមកញុំាអាហារបែប ប្រូតេអ៊ីនគ្រប់គ្រាន់ បន្ថែគ្មានម្សៅ កុំជក់បារី...​ ។

តាំងចិត្តហាត់ប្រាណ៖ មែនទែនទៅការហាត់ប្រាណ ជួយបានច្រើនណាស់ដល់សរីរាង្គកាយរបស់យើង ហាត់ប្រាណជួយបញ្ចុះជាតិស្ករ សម្ពាធឈាម ជំងឺថប់បារម្ភ ដែលអ្នកគួរតែហាត់ជាប្រចាំដើម្បីការពារជំងឺទឹកនោមផ្អែម និងជំងឺផ្សេងៗជាច្រើនទៀត។

រក្សាសម្ពាធឈាមនិងទម្ងន់ឱ្យបានល្អ៖ ជាធម្មតា​ដើម្បីការពារការកើតជំងឺទឹកនោមផ្អែម ការរក្សា សម្ពាធឈាមឱ្យនៅក្រោម120/80 mmHgគឺជារឿងល្អ មួយវិញទៀតគួរតែព្យាយាមរក្សាទម្ងន់ខ្លួនផងដែរ​ កុំឱ្យស្គមពេក ឬធាត់ពេក៕

អត្ថបទដោយ៖  ធីតា