ជាការពិតណាស់ ការទទួលទានវីតាមីនសម្រាប់ជំនួយដល់សុខភាពគឺសំខាន់ខ្លាំងណាស់។ ក៏ប៉ុន្ដែការញុំាប្រភេទវីតាមីនលើសកំណត់ អាចបង្កជាផលប៉ះពាល់ដល់សុខភាពរបស់អ្នកដូចគ្នា។ អាស្រ័យហេតុនេះហើយកុំញុំាប្រភេទវីតាមីន២នេះលើសកំណត់ បើមិនចង់គ្រោះថ្នាក់ដល់សុខភាពរបស់អ្នក ក្រៅជាងជួយ។

នៅក្នុងថ្ងៃនេះផងដែរ ក្រុមការងារចាបបៃតង ចង់ចែករំលែកពីផលប៉ះពាល់របស់វីតាមីន២ប្រភេទ ល្អសម្រាប់សុខភាពប្រសិនណាអ្នកញុំាបានត្រឹមត្រូវ។ ក៏ប៉ុន្ដែអាចធ្វើឱ្យអ្នកប៉ះពាល់សុខភាពណាស់បើចេះតែញុំាលើសកំណត់ឬក៏រាងកាយមិនខ្វះវីតាមីននេះ តែបែរជាចេះតែញុំាតាមគេថាល្អចំពោះសុខភាព នេះបើយោងតាមរយៈប្រភពhealthline។

ទី១វីតាមីនc៖ វីតាមីននេះគឺមានច្រើននៅក្នុងបន្លែផ្លែឈើ បើនិយាយពីអត្ថប្រយោជន៍វិញគេទទួលស្គាល់ណាស់ថាមានប្រយោជន៍ចំពោះសុខភាព។ អត្ថប្រយោជន៍ទាំងនោះមានដូចជា ជំនួយខួរក្បាល ឆ្អឹង សម្រស់ បង្កើនប្រព័ន្ធភាពសុំាក្នុងរាងកាយ រួមទាំងអត្ថប្រយោជន៍ជាច្រើនទៀត។ ក៏ប៉ុន្ដែក្នុងករណីអ្នកញុំាវីតាមីនcលើសកំណត់អាចបង្កជាផលប៉ះពាល់ជាច្រើនដូចជា​ក្រពះពោះវៀន ក្អួតចង្អោរ រាក ប៉ះពាល់ដល់ប្រព័ន្ធរំលាយអាហាររបស់អ្នកផងដែរ។ មួយវិញទៀត វីតាមីនcក៏បង្កជាផលប៉ះពាល់ដល់សុខភាពញុំាច្រើន អាចលើសជាតិដែកក្នុងខ្លួន ។ ការទទួលវីតាមីនcលើសអាចបង្កផលប៉ះពាល់ដល់សរីរាង្គខាងក្នុងដូចជា ថ្លើម លំពែង បេះដូង ប្រព័ន្ធប្រសាទកណ្ដាល គ្រួសក្នុងតម្រងនោមជាដើម។

ទី២វីតាមីនD៖ វីតាមីនdអាចបង្កជាផលប៉ះពាល់ដល់សុខភាពរបស់អ្នកច្រើន ក៏ប៉ុន្ដែប្រសិនណាអ្នកញុំាច្រើនលើសកំណត់អាចបង្កជាគ្រោះថ្នាក់ដល់សុខភាពរបស់អ្នកដូចគ្នា មានដូចជា ការពិបាករំលាយអាហារដូចជា ក្អួត ចង្អោរ ទល់លាមក និងឈឺក្រពះ អស់កម្លាំង វិលមុខ ស្រវាំងភ្នែក និងច្របូកច្របល់ បាត់បង់ចំណង់អាហារ ការនោមច្រើនពេក គ្រួសក្នុងតម្រងនោម របួសតម្រងនោម សម្ពាធឈាមខ្ពស់ និងភាពមិនប្រក្រតីនៃបេះដូង ការខះជាតិទឹកដូច្នេះប្រសិនណាអ្នកញុំាមិនដឹងពីបរិមាណរបស់វាត្រឹមត្រូវវគឺអាចបង្កជាគ្រោះថ្នាក់ដូចបានរៀបរាប់ខាងលើបាន អាស្រ័យហេតុនេះហើយប្រសិនណាអ្នកចង់ញុំាត្រូវពិគ្រោះជាមួយគ្រូពេទ្យជំនាញឱ្យបានត្រឹមត្រូវ ចៀសវាងញុំាតាមគេ ព្រោះរាងកាយរបស់មនុស្សម្នាក់ៗខុសៗគ្នា មិនអាចចេះតែញុំាបានបរិមាណដូចគ្នានោះឡើយ៕

អត្ថបទដោយ៖ ធីតា