ព័ត៌មាន
ដំណឹងល្អ! ពេទ្យសូវៀត សហការជាមួយពេទ្យអូស្រ្តាលី ចុះវះកាត់ជំងឺស្រុតស្បូន ដុំសាច់ក្នុងស្បូន…
April 23,2024
យោងតាម មន្ទីរពេទ្យមិត្តភាពខ្មែរ-សូវៀតនាថ្ងៃទី២៣ ខែ មេសា ឆ្នាំ២០២៤បានឱ្យដឹងថា ខាងមន្ទីរពរទ្យបានសហការជាមួយក្រុមគ្រូពេទ្យមកពីប្រទេសអូស្ត្រាលី ដើម្បីធ្វើការវះ កាត់ជំងឺរោគស្ត្រី ជូនស្ត្រីដែលមានវិបត្តិតាមកាលបរិច្ឆេទដូចខាងក្រោម៖១.ការពិគ្រោះជំងឺរោគស្ត្រី៖ ចាប់ពីថ្ងៃទី៩ ដល់ថ្ងៃទី១៤ ខែមិថុនា ឆ្នាំ២០២៤។២.ការវះកាត់រោគស្ត្រី៖ ជំងឺស្រុតសរីរាង្គ ដូចជាស្រុតស្បូន ស្រុតប្លោកនោម ស្រុតទ្វារ លាមក ជំងឺហៀរទឹកនោមតាមទ្វារមាស ជំងឺហៀរលាមកតាមទ្វារមាស ជំងឺមិនមាន ទ្វារមាសពីកំណើត ជំងឺប្រដាប់ភេទលូតលាស់មិនប្រក្រតីពីកំណើត ជំងឺរោគស្ត្រី ដុំ សាច់ស្បូន ដុំដៃស្បូន ជំងឺលំបាកមានកូនដែលមានលក្ខខណ្ឌតម្រូវការវះកាត់ និងការវះ កាត់ដោយបោះ ម៉ាស៊ីនអង់ដូស្កូប ចាប់ពីថ្ងៃទី១០ ដល់ថ្ងៃទី១៤ ខែមិថុនា ឆ្នាំ២០២៤ ។ជាចុងក្រោយប្រសិនណាបងប្អូនចាប់អារម្មណ៍ព្យាបាល សូមធ្វើការចុះឈ្មោះសម្រាប់អ្នកជំងឺចាប់ពីថ្ងៃផ្សាយដំណឹងនេះរហូតដល់ថ្ងៃ ទី៨ ខែមិថុនា ឆ្នាំ២០២៤ នៅផ្នែកសម្ភព និងរោគស្ត្រី ឬ តាមរយៈលេខទូរស័ព្ទ០៨៧ ៧០១ ៣៧៣៕
គោលដៅធំៗ៤ក្នុងគោលបំណងនៃការពង្រឹងមណ្ឌលសុខភាព និងមន្ទីរពេទ្យបង្អែកស្រុក
April 22,2024
ក្នុងឱកាស សម្ពោធដាក់ឱ្យប្រើប្រាស់ជាផ្លូវការមណ្ឌលផ្តល់សេវាផ្នែកវះកាត់នៃមន្ទីរពេទ្យបង្អែកខេត្តសៀមរាប នាថ្ងៃទី២០ ខែមេសា ឆ្នាំ២០២៤។ សម្ដេចមហាបវរធិបតី ហ៊ុន ម៉ាណែត ក៏បានលើកឡើងពីគោលដៅធំៗ៤ក្នុងគោលបំណងនៃការពង្រឹងមណ្ឌលសុខភាព និងមន្ទីរពេទ្យបង្អែកស្រុក។ ដែលនឹងត្រូវពង្រឹងចាប់ពីឆ្នាំ ២០២៤នេះ រហូតដល់ឆ្នាំ ២០២៧។ជាការពិតណាស់ ក្នុងការពង្រឹងមណ្ឌលសុខភាព និងមន្ទីរពេទ្យបង្អែកស្រុក( ចាប់ពីឆ្នាំ២០២៤-២០២៧)ថវិកាត្រូវចំណាយជាង ១៧០លានដុល្លា។ គឺមានគោលដៅធំៗ៤ក្នុងគោលបំណងនៃការពង្រឹងមណ្ឌលសុខភាព និងមន្ទីរពេទ្យបង្អែកស្រុកមានដូចខាងក្រោម៖១.កែលំអរឱ្យប្រសើរឡើង នូវការផ្ដល់សេវាដើម្បីឆ្លើយតបទៅនឹងការរំពឹងទុករបស់ប្រជាជន។២.បង្កើនសមត្ថភាព ផ្ដល់សេវាសង្រ្គោះបឋម និងសង្រ្គោះបន្ទាន់ ឱ្យបានត្រឹមត្រូវ ទាន់ពេលវេលា កាត់បន្ថយគ្រោះថ្នាក់ដល់អាយុជីវិត។៣.បង្កើនលទ្ធភាពជួយប្រជាពលរដ្ឋ ពាក់ព័ន្ធនឹងជំងឺលើសឈាម និងជំងឺទឹកនោមផ្អែម ។ ជាពិសេសផ្ដោតលើគ្រួសារដែលមានជីវភាពក្រីក្រ និងគ្រួសារដែលងាយរងហានិភ័យ។៤.បង្កើនបុគ្គលិកតាមមណ្ឌលសុខភាព ដើម្បីអាចឱ្យមណ្ឌលសុខភាពនីមួយៗ ផ្ដល់សេវាមិនឈប់ ២៤ម៉ោងជូនប្រជាជន។ សរុបមកគោលដៅ៤ខាងលើនេះ គឺជាគោលដៅយ៉ាងសំខាន់ ក្នុងការពង្រឹងវិស័យសុខាភិបាលបន្ថែម រយៈពេល៤ឆ្នាំ គឺចាប់ពីឆ្នាំ ២០២៤នេះ រហូតដល់ឆ្នាំ ២០២៧។ គឺរដ្ឋាពិបាល បានចំណាយថវិកា ជាង១៧០លាងដុល្លាទៅលើគោលដៅធំៗ៤ក្នុងគោលបំណងនៃការពង្រឹងមណ្ឌលសុខភាព និងមន្ទីរពេទ្យបង្អែកស្រុក។ជាចុងក្រោយ សម្ដេចមហាបវរធិបតី ហ៊ុន ម៉ាណែត បានសង្តត់ធ្ងន់ ថា សម្រាប់ការចំណាយថវិកាលើវិស័យសុខាភិបាលនេះ គឺមិនមែនត្រឹមតែ១៧០លានដុល្លានេះទេ គឺមានការចំណាយជាច្រើន ទៀតជាពិសេសកាលនៅអំឡុង កូវីត១៩ រដ្ឋាភិបាលបានចំណាយលុយជាង ១ពាន់៤០០លានដុល្លាឯណ្ណោះ។ ក៏ប៉ុន្ដែការចំណាយនេះ គឺជាការចំណាយដែលចាំបាច់ ត្រូវតែចំណាយ ។ ពីព្រោះដើម្បីសុខភាពនិង សុភមង្គលរបស់ប្រជជន និងសុខភាពរបស់ជាតិយើង និងភាពរឹងមាំ ព្រោះជាតិអាចរឹងមាំបាន គឺត្រូវការមនុស្សដែលមានសុខភាពល្អ៕ស្ដាប់វីដេអូពេញ៖Hun Manet
លោកសាស្រ្តាចារ្យ សំបូរ មាណ្ណារ៉ា ជាអ្នកប្រវត្តិសាស្ត្រខ្មែរបានបន្សល់គំនិតដ៏មានតម្លៃឱ្យកូនចៅជំនាន់ក្រោយ
April 20,2024
ក្រោយចំណាយជីវិតជិត៤០ឆ្នាំ ដើម្បីប្រវត្តិសាស្ត្រខ្មែរ ពេលនេះលោកសាស្រ្តាចារ្យ សំបូរ មាណ្ណារ៉ា បានទទួលមរណភាពហើយ នៅម៉ោង៥៖៤០នាទីព្រឹកថ្ងៃទី២០ ខែមេសា ឆ្នាំ២០២៤នេះ ក្នុងជុន្មាយុ៦៧ឆ្នាំ នៅមន្ទីរពេទ្យកាល់ម៉ែត្រដោយរោគាពាធ។លោកសាស្រ្តាចារ្យ សំបូរ មាណ្ណារ៉ា ជាអ្នកប្រវត្តិសាស្រ្តខ្មែរដ៏ល្បីល្បាញ ជាអតីតសាស្ត្រាចារ្យប្រវត្តិសាស្ត្រនៃសកលវិទ្យាល័យភូមិន្ទភ្នំពេញនិងជាសាស្រ្ដាចារ្យប្រវត្តិសាស្រ្ដនៃសាកលវិទ្យាល័យបញ្ញាសាស្រ្ដកម្ពុជាផងដែរ។ លោក សំបូរ មាណ្ណារ៉ា បានកើតក្នុងគ្រួសារមានឪពុកជាគ្រូបង្រៀនហើយមាននិស្ស័យស្រលាញ់ចូលចិត្តការសិក្សាតាំងពីក្មេងៗ រហូតមកដង្ហើមចុងក្រោយ។ លោកបានក្លាយជាគ្រូបង្រៀនក្នុងឆ្នាំ១៩៨០ បានជ្រើសយកភាសាអង់គ្លេសមកបង្រៀន។ ហើយពេលក្រោយមកគាត់ក៏បានចាប់ផ្ដើមការងារជាគ្រូបង្រៀនផ្នែកប្រវត្តិសាស្ដ្រវិញម្ដង។ ព្រោះការងារនេះលោកចង់ឱ្យកូនខ្មែរដឹងពីដើមកំណើតជាតិសាសន៍របស់ខ្លួនគឺអស្ចារ្យណាស់។ ដូចជាប្រវត្តិសាស្រ្តកសាងអង្គវត្តជាដើម។ជាច្រើនឆ្នាំក្រោយមកព្រះករុណាព្រះបាទសម្ដេច ព្រះបរមនាថ នរោត្តម សីហមុនី បានត្រាស់បង្គាប់តែងតាំង និងផ្ដល់ឋានៈលោក សំបូរ មាណ្ណារ៉ា ជាទីប្រឹក្សាផ្ទាល់របស់សម្ដេច ហ៊ុន សែន ជាមានឋានៈស្មើរដ្ឋមន្ត្រីផងដែរ។ លោកលោក សំបូរ មាណ្ណារ៉ា មានប្រសាសន៍ថា នេះជារង្វាន់កិត្តិយយ៉ាងធំធេងសម្រាប់ជីវិតលោកណាស់។ នេះជាគំនិតទស្សនៈដ៏មានតម្លៃរបស់លោកសាស្រ្តាចារ្យ សំបូរ មាណ្ណារ៉ា ឱ្យកូនចៅជំនានក្រោយគួរចងចាំ៖១. ដំណោះស្រាយបញ្ហារបស់ជាតិយើងនេះ គឺត្រូវការការអប់រំ។២. សុំឱ្យយុវជនកុំជាតិនិយមជ្រុលពេក ហើយកុំភ្លេចសិក្សាពីប្រវត្តិសាស្រ្តខ្លួនឯងផង។៣. កុំយំឱ្យគេអាណិត ត្រូវប្តេជ្ញាចិត្តធ្វើឱ្យគេកោត៤. គុណធម៌ជាគុណតម្លៃដែលកូនត្រូវអនុវត្តនិងធ្វើជាប្រចាំថ្ងៃ៥. ខ្ញុំអាចធ្វើឱ្យមនុស្សរាប់សែននាក់ក្លាយជាមនុស្សមានតម្លៃក្នុងសង្គមហើយពួកគេជាអ្នកទទួលបានផលពីការអប់រំនេះឯង។ ខ្ញុំបានព្យាយាមធ្វើរឿងនេះ តាំងពីខ្ញុំមិនទាន់មានតួនាទីអ្វីសោះម្ល៉េះ! ប៉ុន្តែតួនាទីនេះបានជម្រុញផ្លូវចិត្តរបស់ខ្ញុំបន្ថែមឱ្យខំប្រឹងប្រែងបន្ថែមទៀតដើម្បីប្រទេសជាតិមួយនេះ។ ហើយការផ្ដល់តួនាទីនេះក៏បានបញ្ជាក់ថា ការងាររបស់ខ្ញុំកន្លងមកគឺខ្ញុំបានដើរលើកំណាត់ផ្លូវដ៏ត្រឹមត្រូវហើយ។ ៦. ខ្ញុំមិនដឹងថា ខ្ញុំត្រូវឈប់បង្រៀននៅពេលណានោះទេ ប៉ុន្តែខ្ញុំនឹងបន្តបង្រៀនរហូតដល់ដង្ហើមចុងក្រោយនៃជីវិតរបស់ខ្ញុំ។សូមវិញ្ញាណក្ខន្ធលោកសាស្រ្តាចារ្យ សំបូរ មាណ្ណារ៉ា បានទៅកាន់សុគតិភព!អត្ថបទដោយ៖ ទ្រ សុភាព
តំបន់ចំនួន១២ នៅហ្វីលីពីន ឡើងកម្ដៅខ្លាំង រហូតដល់៤៤ អង្សាសេ
April 19,2024
មិនមែនឡើងកម្ដៅ តែប្រទេសយើងទេ នៅហ្វីលីពីនក៏ឡើងកម្ដៅខ្លាំងដែរ។ នេះបើយោងតាម ប្រភព Philippine News Agency និង inquirer.net បានឱ្យដឹងថា នាថ្ងៃសុក្រ ទី១៩ ខែ មេសា ឆ្នាំ ២០២៤នេះ សន្ទស្សន៍កំដៅនៅក្នុងតំបន់ចំនួន 12 នៃប្រទេសហ្វីលីពីន ត្រូវបានព្យាករណ៍ថានឹងឈានដល់កម្រិត "គ្រោះថ្នាក់"គឺឡើងកម្ដៅ រហូតដល់ 44 អង្សាសេ តែក៏មានតំបន់ខ្លះ កម្ដៅ៣៤អង្សាសេ ៣៩អង្សាសេផងដែរ គ្រាន់តែតំបន់ទាំង១២នេះគឺឈានដល់កម្រិត "គ្រោះថ្នាក់"។ខាងក្រោយនេះគឺជាតំបន់ទាំង១២នៅប្រទេសហ្វីលីពីន ដែលមានកម្ដៅកើនឡើងខ្លាំង៖១.Barangay Ambulong 44 អង្សាសេ២.នៅ Tanauan, Batangas 44 អង្សាសេ៣.ទីក្រុង Dagupan, Pangasinan 43 អង្សាសេ៤.ចំណុច Sangley, Cavite 43 អង្សាសេ៥.Puerto Princesa, Palawan 43 អង្សាសេ៦. Roxas, Capiz 43 អង្សាសេ៧. Iloilo រដ្ឋ Iloilo 43 អង្សាសេ៨.Dumangas, Iloilo 43 អង្សាសេ៩.Bacnotan, La Union 42 អង្សាសេ១០. Tuguegarao, Cagayan 42 អង្សាសេ១១.សាកលវិទ្យាល័យ Central Bicol State of Agriculture នៅ Pili, Camarines Sur 42 អង្សាសេ១២.Dipolog, Zamboanga del Norte 42 អង្សាសេគូសបញ្ជាក់ឱ្យដឹងថា ដើម្បីទប់ស្កាត់ផលប៉ះពាល់នៃអាកាសធាតុក្ដៅគេ បានណែនាំឱ្យប្រជាជនទាំងអស់ ត្រូវចេះកំណត់ពេលវេលាចេញខាងក្រៅកុំចេញក្រៅពេលថ្ងៃក្ដៅខ្លាំង បើមិនចាំបាច់ តែបើត្រូវចេញជាចាំបាច់ កុំភ្លេចប្រើឆត្រ និងស្លៀកសម្លៀកបំពាក់ឱ្យបានជិតៗល្អដើម្បីការពារកម្ដៅថ្ងៃ។ មួយវិញទៀត ត្រូវតែ ឧស្សាហ៍ផឹកទឹកឱ្យបានគ្រប់គ្រាន់និងកាត់បន្ថយ ឬក៏ជៀសវាងតែ កាហ្វេ សូដា និងស្រា ៕
៧៥ឆ្នាំទើបជួបម្ដងនេះ! ទីក្រុងឌូបៃ រងគ្រោះព្រោះភ្លៀងធ្លាក់កម្រិតធ្ងន់ធ្ងរ ខណៈជើងហោះហើរ សាលារៀន…ត្រូវបិទ
April 18,2024
៧៥ឆ្នាំទើបជួបម្ដងនេះ! ទីក្រុងឌូបៃ រងគ្រោះព្រោះភ្លៀងធ្លាក់កម្រិតធ្ងន់ធ្ងរ ខណៈជើងហោះហើរ សាលារៀន…ត្រូវបិទយោងតាមរយៈប្រភព CNN នាថ្ងៃទី១៧ ខែមេសា ឆ្នាំ២០២៤ បានបញ្ជាក់ថា នៅទីក្រុងឌូបៃស្ថិតទៅប្រទេសអារ៉ាប់រួម បានកំពុងជួបប្រទះនឹងព្យុះភ្លៀងកម្រិតធ្ងន់ធ្ងរ មិនធ្លាប់មាន ត្រឹមតែរយៈពេល២៤ម៉ោងប៉ុណ្ណោះទឹកភ្លៀងឡើងលើសពី ២៥០ មីលីម៉ែត្រ (ប្រហែល ១០ អ៊ីញ) នេះជាការធ្លាក់ភ្លៀង ទឹកជន់៧៥ឆ្នាំហើយទើបជួបម្ដងនេះបើរាប់ចាប់ផ្តើមនៅឆ្នាំ ១៩៤៩ ។ដោយហេតុថា កម្រិតទឹកភ្លៀងធ្លាក់ គឺកើតមានឡើងខ្លាំង បង្កជាទឹកជន់ លេចផ្លូវជាហេតុធ្វើឱ្យប៉ះពាល់ រហូតដល់ឡានមិនអាចបើកបាន មិនអាចបន្តដំណើរទៅមុខបាន ត្រូវបង្ខំចិត្តទុកឡានចោល សាលារៀនក៏ត្រូវបិទ ជាពិសេស ជើងហោះហើរនៅទីក្រុងឌូបៃដែលជាអាកាសយាន្តដ្ឋានអន្តរជាតិ ធំជាងគេលើពិភពលោកត្រូវបានលុបចោលឬក៏ពន្យាពេលហោះហើរព្រោះមិនអាចហោះបាន។ជាការពិតណាស់ ដោយសារតែការធ្លាក់ភ្លៀង លាយឡំព្យុះយ៉ាងគំហុក និងកម្រិតទឹកភ្លៀងជន់ឡើងយ៉ាងលឿន នៅមិនទាន់បានធូរស្បើយនោះទេទើប ប្រទេសអារ៉ាប់រួមក៏ បានបញ្ជាក់ប្រាប់អ្នកធ្វើដំណើរត្រូវហោះហើរ បើមិនចាំបាច់កុំមកអាកាសយាន្ដដ្ឋាន ព្រោះ ការហោះហើរអាចនឹងត្រូវផ្អាកបណ្ពោះអាសន្ន ឬក៏ពន្យារម៉ោងហោះហើរ។ បន្ថែមលើសពីនេះ ព្យុះភ្លៀងកម្រិតធ្ងន់នេះមិនត្រឹមតែប៉ះពាល់ប្រទេសអារ៉ាប់រួមតែ១នោះទេ តែក៏ប៉ះពាល់ដល់ ប្រទេសអូម៉ង់ ប៉ាគីស្ថាននិង ប្រទេសអ៊ីរ៉ង់ផងដែរ។បើតាមការឱ្យដឹងនៅក្នុងប្រទេសអូម៉ង់ យ៉ាងហោចណាស់មនុស្ស ១៨ នាក់បានស្លាប់នៅក្នុងទឹកជំនន់ភ្លាមៗដែលបង្កឡើងដោយភ្លៀងធ្លាក់ខ្លាំង៕
ចាប់ពីថ្ងៃទី១៨ ដល់ទី២០! អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់វិញហើយ បង្កើនការប្រុងប្រយ័ត្ន
April 18,2024
ចាប់ពីថ្ងៃទី១៨ ដល់ទី២០! អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់វិញហើយ បង្កើនការប្រុងប្រយ័ត្ន យោងតាមរយៈក្រសួងធនធានទឹក និងឧតុនិយម នាថ្ងៃទី១៨ ខែ មេសា ឆ្នាំ ២០២៤នេះ បានឱ្យដឹងថា សម្ពាធទាបគ្របដណ្ដប់មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាងទន្លេមេគង្គ និងសមុទ្រចិនខាងត្បូង។ ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី១៨ ដល់ថ្ងៃទី២០ ខែមេសា ឆ្នាំ២០២៤៖ ១. តំបន់វាលទំនាប ៖ -សីតុណ្ហភាពអប្បបរមា២៥°C និងសីតុណ្ហភាពអតិបរមា៣៧°C។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម២,៥ម៉ែត្រ/វិនាទី។ តំបន់ភាគពាយ័ព្យ និងអាគ្នេយ៍អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី១០%។២.តំបន់ខ្ពង់រាប ៖ -សីតុណ្ហភាពអប្បបរមា២៦°C និងសីតុណ្ហភាពអតិបរមា៣៨°C។ ខ្យល់បក់មកពីទិសបស្ចិម និងទិសនិរតី មានល្បឿនមធ្យម៣,៥ម៉ែត្រ/វិនាទី។ តំបន់ភាគឦសានអាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី៥%។៣.តំបន់មាត់សមុទ្រ ៖-សីតុណ្ហភាពអប្បបរមា២៥°C និងសីតុណ្ហភាពអតិបរមា៣៦°C។ ខ្យល់បក់មកពីទិសនិរតីមានល្បឿន មធ្យម២,៥ម៉ែត្រ/វិនាទី។ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដី៥%។-រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,៥០ម៉ែត្រ៕
