បើអ្នកចង់ថែសម្រសឱ្យក្មេងជាងវ័យ និងមិនឆាប់ចាស់ទេ អ្នកត្រូវមានទម្លាប់ល្អៗ សម្រាប់ការរស់នៅប្រចាំថ្ងៃផងដែរ។ យើងមានទម្លាប់ ២អ្នកធ្វើតាម និង២ទៀត គួរជៀសវាងផងដែរ៖
ទម្លាប់គួរតែជៀសវាងទាំង ២នេះ
១. ទម្លាប់ធ្វើឱ្យខូចសម្រស់៖ ពេលអ្នកដើរចេញទៅខាងប៉ះនឹងធូលីដី និងពន្លឺព្រះអាទិត្យ រហូតមកដល់ផ្ទះវិញ អ្នកកុំលាងមុខភ្លាមៗ អ្នកត្រូវសម្រាកឱ្យបាន ១០ ទៅ ១៥ នាទីសិន។ ហើយអ្នកអាចលាងសម្អាតផ្ទៃមុនបាន។” បើអ្នកប្រញ៉ាប់លាងមុនធ្វើឱ្យខូចផ្ទៃមុន គឺមកពីស្បែកអ្នកប៉ះកម្តៅថ្ងៃ ហើយអ្នកលាងមុនភ្លាមៗ វាធ្វើឱ្យប្រតិកម្មស្បែកកើតមុន និងជាំមុនលើផ្ទៃមុខរបស់អ្នកផងដែរ។
២. អាហារសម្បូរជាតិខ្លាញ់៖ មានមនុស្សជាច្រើនចូលចិត្តអាហារជាតិខ្លាញ់ ដែលលក់តាមផ្លូវ ម្ហូបធ្វើឱ្យលឿន ហូបសាច់ច្រើនសម្បូជាតិខ្លាញ់ និងផឹកជាតិអាកុល...។ ការហូបអាហារទាំងនេះ ធ្វើឱ្យរាងកាយរបស់អ្នកគីឡូលឿន និងកែប្រែទម្តងងរាងកាយឱ្យមើលទៅដូចជាមនុស្សចាស់ចឹង។
ទម្លាប់ ២អ្នកគួរធ្វើតាម ដើម្បីថែសម្រស់
១. តែបៃតងក្ដៅៗ៖ យោងតាមHealthline បានឱ្យដឹងថា ការផឹកតែបៃតងក្ដៅៗនៅពេលព្រឹកមួយកែវ នឹងជួយប្រឆាំងជំងឺមហារីក ជួយពង្រឹងប្រព័ន្ធប្រសាទខួរក្បាល ជួយកាត់បន្ថយបញ្ហាផ្លូវដង្ហើមមិនល្អ និងជួយទប់ស្កាត់ជំងឺទឹកនោមផ្អែមថែមទៀតផង។ បន្ថែមពីនេះ តែបៃតងបានដើរតួនាទីជួយសម្រកគីឡូថែរក្សារាងរបស់អ្នក ដោយសារតែសារធាតុរបស់តែបៃតងបានជួយដុតរំលាយជាតិកាឡូរីលើស និងទប់ស្កាត់ភាពធាត់(កាត់បន្ថយចំណង់អាហារ)។
២. តែទឹកឃ្មុំក្រូចឆ្មា៖ យោងតាមប្រភពLifehack បានឱ្យដឹងថា ការផឹកទឹកក្រូចឆ្មាទឹកឃ្មុំក្ដៅៗមួយកែវពេលព្រឹក គឺជួយជំរុញប្រព័ន្ធភាពស៊ាំនៃរាងកាយឱ្យរឹងមាំ,ជួយលាងសម្អាតជាតិពុលក្នុងក្រពះ ជួយកម្ចាត់ជាតិពុល,ជួយផ្ដល់សំណើមដល់ស្បែក ធ្វើឱ្យស្បែកមានភាពភ្លឺរលោង។ លើសពីនេះ តែទឹកឃ្មុំក្រូចឆ្មា បានដើរតួនាទីក្នុងការទប់ស្កាត់ភាពឃ្លាន ជួយដុតរំលាយជាតិខ្លាញ់ក្បាលពោះ ធ្វើឱ្យអ្នកមានរាងស្លីមស្អាត៕
អត្ថបទដោយ៖ ទ្រ សុភាព