ការថែរក្សាទ្វារមាស គឺជារឿងចាំបាច់ ហើយអ្វីដែលកាន់តែចាំបាច់ជាងនេះទៀតគឺនៅអំឡុងពេលមករដូវនិងខែភ្លៀងព្រោះខែនេះគឺងាយនឹងឆ្លងរោគចូល ហើយអាចបង្កជាជំងឺឡើងមក បង្កជាបញ្ហារលាក រមាស់ ធ្លាក់សមានក្លិនមិនល្អឡើងមក។ ដូច្នេះហើយនេះគឺជាក្បួនដែលអាចជួយការពារស្រីៗយើងពីបញ្ហាខាងលើបានច្រើន ឱ្យតែព្យាយាមអនុវត្តឱ្យបានត្រឹមត្រូវ។

យោងតាមរយៈការបកស្រាយដោយវេជ្ជបណ្ឌិត សូ សុដាវី ឯកទេសសម្ភពនឹងរោគស្រ្តី នៅមន្ទីរពេទ្យកុមារដំរីបានចែករំលែកខ្លះៗពីមូលហេតុអ្វីធ្វើឱ្យធ្លាក់សឡើងមក វិធីការពារ រួមទាំងផលប៉ះពាល់ដល់សុខភាពប្រសិនណាបងប្អូនស្រីៗទុកឱ្យធ្លាក់សរុំារ៉ៃមិនបានព្យាបាលឱ្យបានទាន់ពេលវេលា ត្រឹមត្រូវ។

- ចំពោះការប្រើប្រាស់សំឡីនៅពេលមករដូវ អ្នកខ្លះគាត់ប្រើប្រាស់មិនបានផ្លាស់ប្ដូរឱ្យបានទៀងទាត់ អាចឈានដល់៣ទៅ៤ម៉ោងហើយគាត់មិនបានផ្លាស់ប្ដូរគឺអាចបង្កជាមេរោគ ហើយងាយឆ្លងមេរោគចូលខាងក្នុងបានយ៉ាងលឿន។ ការងូតទឹកវេជ្ជបណ្ឌិតបានបកស្រាយថា​ការងូតទឹកដែលមានត្រាំសាប៊ូ ពពុះៗក៏ងាយឆ្លងរោគដូចគ្នា។ ប្រភេទខោក្នុង ដែលចូលចិត្តស្លៀកជាប្រចាំ ហើយខោក្នុងនោះ សើមមិនបានសម្អាតឱ្យបានត្រឹមត្រូវ ឬក៏ហាល់ថ្ងៃមិនបានស្ងួតល្អគឺធ្វើឱ្យស្រ្តីប្រឈមនឹងធ្លាក់សរមាស់ឡើងមកដូចគ្នា។

បន្ថែមលើសពីនេះកត្តាផ្សេងៗទៀតដែលបងប្អូនស្រីៗត្រូវ ធ្វើពេលមករដូវ ៖

ការធ្វើអនាម័យខ្លួនប្រាណក៏សំខាន់ ការធ្វើអនាម័យទ្វារមាសក៏សំខាន់។ អ៊ីចឹងតើមានបងប្អូនស្រីៗណាខ្លះដែលមិនទាន់បានយល់ដឹងច្បាស់ ទាក់ទងនឹងការធ្វើអនាម័យទ្វារមាសរបស់ខ្លួននៅពេលធម្មតា និងពិសេសមួយទៀតពេលមករដូវតែម្ដង។ ហើយមានដឹងអត់បើធ្វើអនាម័យទ្វារមាសមិនបានត្រឹមត្រូវធ្វើឱ្យស្រ្តីជួយបញ្ហាអ្វីខ្លះ​ បងប្អូនកុំភ្លេចអានអត្ថបទនេះឱ្យចប់ក្រុមការងារចាបបៃតង នឹងពាំនាំការបកស្រាយតាមរយៈវេជ្ជបណ្ឌិតជំនាញផ្នែកសម្ភពនិងរោគស្រ្តី គ្លីនិកដំរីគឺ វេជ្ជបណ្ឌិត វេជ្ជបណ្ឌិត ទេព សម្ភស្ស វេជ្ជបណ្ឌិតបានបទពិសោធន៍ព្យាបាលជំងឺរយៈពេល២២ឆ្នាំមកហើយ។

ក្នុងនោះផងដែរ វេជ្ជបណ្ឌិតបានពន្យល់ថា ជាទូទៅការធ្វើអនាម័យគឺសំខាន់ខ្លាំងណាស់ មិនថាអនាម័យខ្លួនប្រាណឬកាន់តែពិសេសទៀតនោះគឺការធ្វើអនាម័យនៅតំបន់ទ្វារមាសទាំងពេលធម្មតា និងពេលមករដូវ។ ពីព្រោះថាបើស្រ្តីគាត់ធ្វើអនាម័យបានត្រឹមត្រូវអាចជួយការពារគាត់ពីការចម្លងរោគពីទ្វារមាសខាងក្រៅ ទៅដល់ក្នុងស្បូន ទៅដល់ក្នុងអាងត្រគាក ទៅដល់ក្នុងប្រដាប់ភេទឬក៏ទៅដល់ សរីរាង្គដែលនៅជិតក្បែរគ្នានឹងផងដែរ។

វេជ្ជបណ្ឌិតបានបន្ដថា បើស្រ្តីគាត់មិនបានធ្វើអនាម័យ ឬក៏គាត់ធ្វើអនាម័យមិនបានត្រឹមត្រូវតាមក្បូនវេជ្ជសាស្រ្ត គឺអាចធ្វើឱ្យស្រ្តីងាយបង្ករោគដូចគ្នា។ ទី១អាចធ្វើឱ្យរលាកទ្វារមាសខាងក្រៅ ទី២មេរោគអាចជ្រាបចូលទៅតាមទ្វារមាសទៅដល់មាត់ស្បូន ដល់តួស្បូនទៅដល់ដៃស្បូនជាដើម អាចធ្វើឱ្យស្រ្តីងាយប្រឈមមុខនឹងការឆ្លងជំងឺកាមរោគ អាចធ្វើឱ្យរលាកដៃស្បូន ខ្ទុះក្នុងដៃស្បូន ធ្វើឱ្យពិការរភាពផ្លូវបន្ដពូជធ្វើឱ្យគាត់ប្រឈមអត់មានកូន និងប្រឈមគ្រោះថ្នាក់ធំៗជាច្រើនទៀតប្រសិនណាគាត់មិនបានធ្វើអនាម័យឱ្យបានត្រឹមត្រូវឬក៏មិនបានធ្វើអនាម័យ ៕