ផ្អែកលើការចុះផ្សាយរបស់គេហទំព័រ finelib.com ស្តែងពីលក្ខណៈសម្បត្តិ៧ដែលអ្នកទទួលទាននឹងទទួលបានពីទឹកត្នោតក្រោយពេលពីទទួលទាន៖

១. ជំនួយភ្នែក៖ វត្តមាននៃវីតាមីននៅក្នុងទឹកត្នោតដូចជា វីតាមីន C និង B មានតួនាទីសំខាន់ដើរតួយ៉ាងសំខាន់ជម្រុញប្រព័ន្ធសរសៃភ្នែក ខណៈពេលវីតាមីន C ជួយបង្កើតជាលិកាភ្ជាប់នៃរាងកាយនិងសសៃឈាមនៃភ្នែក ការពារបញ្ហាភ្នែកដូចជា ភ្នែកឡើងបាយ ស្ងួត ខ្សោះជីវជាតិនៃកោសិកា ...ជាដើម។ រីឯវីតាមីន B1 និង B12 ជួយដោះស្រាយបញ្ហាសរសៃឈាមទាក់ទងនឹងរីទីណា នៅក្នុងការរលាករ៉ាំរ៉ៃ និងបញ្ហាសរសៃភ្នែកផ្សេងទៀត។

២. បង្កើតរចនាសម្ព័ន្ធរាងកាយ៖ អាស៊ីតអាមីណូជាច្រើនមាននៅក្នុងទឹកត្នោត ដើរតួជាប្លុកសំខាន់នៃសារធាតុចិញ្ចឹមម៉ាក្រូ-ប្រូតេអ៊ីន។ សារធាតុចិញ្ចឹមដើរតួយ៉ាងសំខាន់ក្នុងការជួសជុលជាលិការាងកាយរចនាសម្ព័ន្ធឆ្អឹង និងសាច់ដុំ។

៣. សក់ និងស្បែក៖ សារធាតុចិញ្ចឹមនៅក្នុងទឹកត្នោតជួយចិញ្ចឹមស្បែក សក់ និង ក្រចក (ម្រាមដៃនិងម្រាមជើង) ថែមទៀតផង ដោយវីតាមីន ស័ង្កសី ម៉ាញ៉េស្យូម និងសារធាតុផ្សេងទៀត ជួយក្នុងការជំរុញកោសិកាថ្មី ដោយជម្រុះកោសិកាដែលងាប់នៅក្នុងរាងកាយ ហើយជំនួសវាដោយផ្តល់ឱ្យស្បែកនូវសភាពទន់រលោងនិងមានរូបរាងល្អជាងមុន។

៤. ព្យាបាលកន្ទួលស្បែក៖ ទឹកត្នោត ត្រូវបានក្បួនវេជ្ជសាស្ត្របុរាណប្រើសម្រាប់ព្យាបាលជំងឺស្បែកដូចជាកន្ទួល រមាស់ រោលស្បែក ជាពិសេសកើតចំពោះកុមារតូចៗ។ ដោយវិធីធ្វើនោះគេយកទឹកត្នោតទៅត្រដុសតំបន់ដែលមានបញ្ហា ដើម្បីជួយកាត់បន្ថយនូវរោគអាការឱ្យធូរស្បើយ។