ខ្ញុំយល់ពីអារម្មណ៍អ្នកកើតមានបញ្ហាផ្លូវចិត្ត ចង់តែរស់នៅម្នាក់ឯងក្នុងភាពស្ងប់ស្ងាត់ ជាពិសេសនៅក្នុងបន្ទប់តែម្តង។ តាមលោកវេជ្ជបណ្ឌិត Antonis Kousoulis ជានាយកនៃមូលនិធិសុខភាពផ្លូវចិត្តមានប្រសាសន៍ថា មនុស្សរាប់លាននាក់នៅក្នុងចក្រភពអង់គ្លេសកំពុងជួបប្រទះនូវអារម្មណ៍ឯកោជាកត្តាហានិភ័យសម្រាប់ការអភិវឌ្ឍ ហើយសភាពបញ្ហាផ្លូវចិត្តកាន់តែធ្ងន់លើសដើម។ ក្តីបារម្ភកាន់តែច្រើនបើអ្នកមានបញ្ហាក្នុងរយៈពេលយូរនោះ ធ្វើឱ្យឥទ្ធិពលភាពឯកោពិបាកគ្រប់គ្រង”។ ការសម្ងំនៅម្នាក់ឯងមិនមែនជាដំណោះស្រាយល្អនោះទេ បើអ្នកគ្មានគំនិតដោះស្រាយទេនោះ។

តាមព្រះពុទ្ធដើម្បីដោះស្រាយបញ្ហាផ្លូវចិត្តលុះត្រាអ្នកបើកចិត្តព្រមទទួលស្គាល់ការពិតថា “ជីវិតជាទុក្ខ”។ ជីវិតជាបញ្ហាមែន បើអ្នកមិនព្រមទទួលស្គាល់ការពិតនេះទេ ដំបៅផ្លូវចិត្តរបស់អ្នកកាន់តែរីកធំ។ តាមលោក vex king​ ជាអ្នកនិពន្ធចិត្តសាស្រ្តបានលើកឡើងថា អ្នកអាចគ្រប់គ្រងអ្វីដែលអ្នកអាចធ្វើបាន ហើយបោះបង់អ្វីដែលអ្នកធ្វើមិនអាចគ្រប់គ្រងបាន។ ទើបចិត្តរឹងមាំឡើងវិញ”។ មានន័យថា អ្នកត្រូវតែព្យាយាមគ្រប់គ្រងលើខ្លួនឯងដើម្បីចេញខាងក្រៅដើម្បីសុំជំនួយពីអ្នកដទៃ សុំជាគំនិត សុំជាបទពិសោធ ដើម្បីបានដំណោះស្រាយមកព្យាបាលបញ្ហាផ្លូវចិត្តឱ្យប្រសើរជាងមុន។ ការហ៊ានសួរអ្នកដទៃ ធ្វើឱ្យខួរក្បាលរបស់អ្នកលេចនៅចម្លើយល្អ។ មានគំនិតទើបអ្នកអាចដោះបញ្ហាផ្លូវចិត្តបាន។  

ហើយលោក Vex king បានលើកឡើងថា អ្វីដែលកាន់តែមានឥទ្ធិពលលើផ្លូវចិត្តរបស់អ្នកឱ្យរឹងមាំនោះ នៅពេលអ្នកធ្វើការផ្លាស់ប្តូររបៀបគិត ប្តូរអារម្មណ៍ ប្តូរការនិយាយ និងប្តូរការធ្វើសកម្មភាព នោះអ្នកជីវិតរបស់អ្នកក៏ចាប់ផ្តើមផ្លាស់ប្តូរស្រុង។ ហើយនោះជាអ្វីដែលបានកើតឡើងចំពោះខ្ញុំ។ ការផ្លាស់ប្តូររបៀបនេះ បានដឹកនាំផ្លូវចិត្តរបស់ខ្ញុំឱ្យមានថាមពលវិជ្ជមានកាន់តែច្រើន។ ពេលអ្នកចាប់ផ្តើមបញ្ចេញថាមពលវិជ្ជមាន អ្នកនឹងក្លាយជាមេដែកស្រូបក្តីសុខចូលក្នុងជីវិតកនា់តែច្រើនឡើង”។ ការមានបញ្ហាផ្លូវចិត្តព្រោះតែអ្នកមិនហ៊ានធ្វើការផ្លាស់ប្តូរនេះឯង បានជាចិត្តរបស់អ្នកក្លាយជាដំបៅ។ ការព្រមទទួលស្គាល់ បន្ទាប់មករៀនពីរបៀបផ្លាស់ប្តូរការគិត វាជាច្រកវេទមន្តទៅកាន់ក្តីសុខផ្លូវចិត្ត។

គ្រាន់តែអ្នកបន្ថែមចំណុចនេះគឺថា បង្វែរគំនិតអវិជ្ជមានទៅជាគំនិតវិជ្ជមានបន្ថែម។ ចូរអ្នកមានអាកប្បកិរិយាចេះដឹងគុណ ផ្លូវចិត្តរបស់អ្នកកាន់តែកាត់បន្ថយឥទ្ធិពលអវិជ្ជមាន ត្រឡប់មកវិញជាមួយផ្លូវចិត្តរឹងមាំមានក្តីសុខ។ នេះជាគន្លឹះតូចតែខ្លឹម វាមានឥទ្ធិពលដល់ផ្លូវចិត្តរបស់អ្នកឱ្យរស់នៅរីករាយជាងមុនផងដែរ៕ អត្ថបទដោយ៖ ទ្រ ​សុភាព

 អ្នកអាចទិញតាមហេងឆេង២៤នេះ https://t.me/hangchhengH24