១. GDP សម្រាប់មនុស្សម្នាក់(ចំណូលខ្ពស់) ២. ជំនួយសង្គម ៣. រស់ក្នុងក្តីសង្ឃឹមហើយអាយុវែងមានសុខភាពល្អ ៤.មានសេរីភាព ៥. មានចិត្តសប្បុរសធម៌ និងទី៦ មានអំពើពុករលួយតិចបំផុត។ សម្រាប់ប្រទេសហ្វាំងឡង់មាន ៦ចំណុចនេះទាបជាងគេបំផុត។

ប្រទេសហ្វាំងឡង់បានជាប់ចំណាត់ថ្នាក់លេខ១ ក្នុងបញ្ជីជាមួយនឹងពិន្ទុ ៧.៧៤១។ នេះជាការយោងតាមលោក Frank Martela ជាទស្សនវិទូនិងជាអ្នកស្រាវជ្រាវផ្នែកចិត្តវិទ្យាជនជាតិហ្វាំងឡង់ផងដែរ ព្រោះតែប្រជាជនហ្វាំងឡង់សប្បាយចិត្តដោយសារតែពួកគេមានស្មារតីរឹងមាំចូលរួមសហគមន៍ ចេះមានទំនាក់ទំនងល្អ ព្យាយាមធ្វើអំពើល្អសម្រាប់អ្នកដទៃ និងស្វែងរកគោលបំណងច្បាស់លាស់សម្រាប់ខ្លួនឯង(រស់ក្នុងក្តីស្រមៃ)។ គាត់បានបន្តថា និយាយឱ្យកាន់តែត្រឹមត្រូវខ្លាំងគឺថា ប្រទេសហ្វាំងជាប្រទេសមានប្រជាជនមានទុក្ខវិបត្តិផ្លូវចិត្តតិចជាងបំផុត។

សូម្បីតែតាមអង្គការសម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍន៍  (OECD) សន្ទស្សន៍ជីវិតកាន់តែប្រសើរបានបញ្ជាក់ថា “ប្រទេសហ្វាំងឡង់ធ្វើបានល្អជាងប្រទេសជាមធ្យមក្នុងវិស័យអប់រំ តុល្យភាពជីវិតការងារ គុណភាពបរិស្ថាន ទំនាក់ទំនងក្នុងសង្គម រស់នៅមានសុវត្ថិភាព និងចេះពេញចិត្តក្នុងជីវិតខ្លួនណាស់”។

ចំពោះអាយុកាលជាមធ្យមនៅប្រទេសហ្វាំងឡង់គឺប្រហែល ៨២ឆ្នាំចំពោះស្ត្រី ៨៥ឆ្នាំ ចំណែកបុរស៧៩ឆ្នាំ។ កត្តាដែលធ្វើឱ្យពួកគេមានក្តីរីករាយហើយអាយុវែងបែបនេះ ព្រោះពួកគេស្គាល់នរណាម្នាក់ហើយចេះពឹងគ្នាបានទៅវិញទៅមក។ ការចេះជួយគ្នាទៅវិញទៅមកនេះមានចំនួន ៩៦%ឯណោះ នេះជាការបញ្ជាក់ពីអង្គការសម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍន៍  (OECD) សន្ទស្សន៍ជីវិតកាន់តែប្រសើរ។

តាមរបាយការណ៍ឈ្មោះថា World Happiness Reportបានចុះផ្សាយថា ហើយអ្វីកាន់តែពិសេសប្រទេសហ្វាំងឡង់មានប្រព័ន្ធថែទាំសុខភាពជាសាកល ដែលជាកត្តាសំខាន់ក្នុងការធ្វើឲ្យពលរដ្ឋរបស់ខ្លួនមានសុខភាពរឹងមាំកម្រមានជំងឺនិងឈឺគឺជាផ្នែកមួយយ៉ាងធំជួយឱ្យប្រជាជនរស់នៅមានអារម្មណ៍សប្បាយរីករាយ។ នៅពេលដែលកត្តាខាងលើទាំងអស់នេះត្រូវបានបញ្ចូលគ្នា វាធ្វើឱ្យអ្នករស់នៅតំបន់នេះមានអារម្មណ៍ថារស់នៅមានខ្លឹមសារនៅក្នុងជីវិតប្រចាំថ្ងៃរបស់ពួកគេមែន៕ អត្ថបទដោយ៖ ទ្រ សុភាព