កាលពីថ្ងៃសុក្រ ទី២១ ខែមេសា ឆ្នាំ២០២៣ នេះ ប្រទេសថៃបានចេញការព្រមាន ការឡើងកម្តៅខ្លាំង ខណៈដែលសីតុណ្ហភាពបានកើនឡើងដល់ 45 អង្សា ជាលើកដំបូងក្នុងប្រវត្តិសាស្ត្រ។ នេះបើតាមការបញ្ជាក់ពីគេហទំព័រ nationthailand ។

នាយកដ្ឋានឧតុនិយមបានព្រមានថាសន្ទស្សន៍កំដៅ ឈានដល់កម្រិតគ្រោះថ្នាក់គឺចន្លោះពី ៤៤អង្សាសេ ដល់ ៥៤អង្សាសេ នៅក្នុងទីក្រុងបាងកក និងខេត្តចំនួនបីផ្សេងទៀត។

·   តំបន់ភាគខាងជើង៖ ខេត្ត Phetchabun សន្ទស្សន៍កំដៅ ៤៨.១C ប្រភេទ គ្រោះថ្នាក់។

·   ភូមិភាគឦសាន៖ Maha Sarakham (ស្រុកកុសុមៈពិសី)៖ សន្ទស្សន៍កំដៅ 44.5 គ្រោះថ្នាក់។

·   តំបន់កណ្តាល៖ ទីក្រុងបាងកក សន្ទស្សន៍កំដៅនៃ 54.0 គ្រោះថ្នាក់ខ្លាំង។

·   តំបន់ភាគខាងកើត៖ ខេត្តឈុនបុរី សន្ទស្សន៍កំដៅនៃ 54.0 គ្រោះថ្នាក់ខ្លាំង

·   តំបន់ភាគខាងត្បូង៖ ភូកេត សន្ទស្សន៍កំដៅនៃ 54.0 គ្រោះថ្នាក់ខ្លាំង។

ជាមួយគ្នានេះដែរ អាជ្ញាធរថៃណែនាំ នៅពេលកម្តៅឡើងដល់កម្រិតគ្រោះថ្នាក់គឺចាប់ពី 41-54C គឺងាយធ្វើឱ្យមនុស្សជួបជាមួយបញ្ហា រមួលសាច់ដុំនៅជើង ដៃ ពោះ ឬស្មាដែលបង្កឱ្យមានភាពរឹង អារម្មណ៍ហត់នឿយពីកំដៅ និងអាចវិវត្តទៅជាជំងឺ Heat stroke ប៉ះពាល់ដល់អាយុជីវិតភ្លាមៗប្រសិនបើព្យាបាលមិនទាន់ពេល។

នាយកដ្ឋានឧតុនិយមបានណែនាំ ឱ្យតាមដានរោគសញ្ញាគ្រោះថ្នាក់ទាក់ទងជាមួយរលកកម្តៅ ជាពិសេសចំពោះកុមារតូចៗ មនុស្សចាស់ និងអ្នកដែលមានជម្ងឺប្រចាំកាយ។ កាត់បន្ថយសកម្មភាពចេញក្រៅ ត្រូវពាក់មួក វ៉ែនតា និងសម្លៀកបំពាក់រលុង និងខ្យល់ចេញចូល៕

អត្ថបទដោយ៖ មឿន គន្ធា