ការហាត់ប្រាណបែប Cordio ជាលំហាត់ប្រាណបែបទូទៅដែលមានដូចជា ការរត់ ការហែងទឹក ការដើរ និងការធ្វើចលនាកម្តៅសាច់ដុំជាដើម...។ បើយោងតាម healthstatus បានចុះផ្សាយថា ពេលអ្នកធ្វើលំហាត់ប្រាណទាំងអស់នេះកាន់តែខ្លាំង វានឹងធ្វើឱ្យប្រព័ន្ធសរសៃឈាមបញ្ជួនឈាមទៅកាន់បេះដូងបានល្អ ហើយដំណើរជាតិខ្លាញ់ក្នុងខ្លួនរបស់អ្នកកាន់តែងាយស្រកដែរ។ ព្រោះវាផ្តល់អុកស៊ីសែនដល់កោសិកាក្នុងសាច់ដុំរបស់អ្នកធ្វើឱ្យកោសិការបស់អ្នកអាចដុតបំផ្លាញជាតិខ្លាញ់បានកាន់តែច្រើនទាំងពេលហាត់ប្រាណ និងពេលសម្រាកថែមទៀត។ នេះជាចំណុចពិសេសលំហាត់ប្រាណ Cordio។ ការធ្វើលំហាត់ប្រាណនេះ គេប្រើចលនាសាច់ដុំធំៗ ក្នុងរយៈពេលដែលមានិរន្តភាពដើម្បីរក្សាចង្វាក់បេះដូងយ៉ាងហោចណាស់ ៥០%ដែរ។

តើការហាត់ប្រាណរបស់អ្នកខ្លាំងបានគ្រប់គ្រាន់ឬនៅ? នៅពេលដំបូង អ្នកធ្វើលំហាត់ប្រាណ វាធ្វើឱ្យអ្នកមានការប្តេជ្ញាចិត្តខ្ពស់ ដើម្បីធ្វើការហ្វឹកហាត់ខ្លួនប្រាណឱ្យដុតជាតិខ្លាញ់ពីក្នុងខ្លួនរបស់អ្នក។ ហើយមួយរយៈពេលក្រោយមកអ្នកនឹងឃើញលទ្ធផលដោយខ្លួនឯងជាមិនខាន។ បើយោងតាមក្រសួងសុខាភិបាលអាមេរិកបានប្រាប់ថា អ្នកត្រូវធ្វើការលំហាត់កម្រិតមធ្យមចាប់ ១៥០ ទៅ ៣០០ នាទី ក្នុងមួយសប្តាហ៍ វាធ្វើឱ្យមានការផ្លាស់ប្តូរខ្លាំងក្លាផ្នែករាងកាយរបស់មនុស្សពីធាត់មកស្រកគីឡូ ពីអ្នកមានសុខភាពខ្សោយមករឹងមាំម្តងបន្តិចៗ និងថែសម្រស់របស់អ្នកឱ្យក្មេងជាងវ័យផងដែរ៕ អត្ថបទដោយ៖ ទ្រ សុភាព