ពេលយើងជួបបញ្ហាធំៗ រហូតធ្វើឱ្យជីវិតងងឹតគ្មានទិសដៅមិនដឹងត្រូវចាប់ផ្តើមពីចំណុចណា? ចំណុចចាប់ផ្តើមជាថ្មីគឺផ្តើមពីខ្លួនអ្នក។ តាមលោក ចច ក្លាសាន (George S. Clason) ជាអ្នកនិពន្ធសៀវភៅ The Richest Man in Babylon បានជួយផ្លាស់ប្តូរជីវិតមនុស្សទាំងលុយកាក់ និងផ្តល់កម្លាំងចិត្តដល់រាប់រយលាននាក់ឱ្យប្រសើរឡើងវិញ។

បើអ្នកគិតថា ជីវិតខ្លួនមិនអាចផ្លាស់ប្តូរបានទេ សុំអ្នកដឹងពីបុរសម្នាក់មានឈ្មោះថា ដេបាស៊ី ជាតួអង្គក្នុងសៀវភៅរបស់លោក ក្លាសាន។ ជីវិតលោក ដេបាស៊ី ជាអ្នកជំនាញដ៏ធំនៅទីក្រុងបាបីឡូន។ ថ្ងៃមួយ គាត់បានទៅហាងអារហារធំមួយប្រចាំទីក្រុងក៏បានប្រទះបុរសម្នាក់មានឈ្មោះថា តាខេត ជាកូនបំណុង។ កូនបំណុងនេះ ខាតហូបបាយអស់ជាថ្ងៃមកហើយ និងបានលួចនំគេហូបថែមទៀត។

លោក ដេបាស៊ី ពេលឃើញកូនបំណុលរបស់ខ្លួន(តាខេត) ក៏ឱ្យសងប្រាក់។ ប៉ុន្តែ តាខេត បាននិយាយថា ខ្ញុំគ្មានលុយសងទេ ខ្ញុំរកស៊ីខាតអស់ហើយ ពេលនេះ ខ្ញុំឃ្លានខ្លាំងណាស់។ លោកដេបាស៊ី និយាយថា បើឯងគ្មានសមត្ថភាពទេ កុំទៅបន្ទោសទេព្តា គឺខ្លួនឯងហ្នឹងហើយ។ ខ្ញុំមានរឿងមួយ ចង់ប្រាប់ទៅឯងថា យើងសាងខ្លួនជាអ្នកមានទ្រព្យសម្បត្តិ និងមានក្តីសុខដោយរបៀបណា? កាលពីមុន យើងជាអ្នករកស៊ីមានទ្រព្យម្នាក់ និងមានប្រពន្ធដ៏ស្រស់ស្អាត។ ព្រោះតែយើងគិតថា ខ្លួនមានសមត្ថភាពរកលុយហើយ ទោះបីយើងខ្ចីគេ ក៏គ្មានបញ្ហាអ្វីដែរ។ យើងបានខ្ចីលុយមួយថ្ងៃទៅមួយថ្ងៃកាន់តែច្រើនឡើង។ រហូតមានពេលមួយ យើងជំពាក់បំណុលសងលែងរួច យើងក៏រត់ចោលស្រុកតែម្តងទៅ។

ពេលយើងទៅប្រទេសសេរីបានក្លាយជាចោល គេក៏ចាប់យើងបាន រួចក៏លក់យើងធ្វើជាទាសករឱ្យម្ចាស់ជំនួញដ៏ធំមួយ។ ការធ្វើជាទាសករមហាសែនលំបាកវេទនាណាស់ ប៉ុន្តែខ្ញុំបានស្តាប់សម្តីលោកស្រីម្នាក់ប្រាប់ថា មនុស្សមានកំណើតជាអ្នកប្រឈមនឹងការពិត និងហ៊ានដោះបំណុល ទោះបីជំពាក់លុយគេមហាសាលក៏ដោយ។ ជីវិតឯងមកធ្វើជាទាសករបែបនេះ ព្រោះតែឯងរត់គេចពីការពិត។ មនុស្សមានកំណើតឬសាងជីវិតរុងរឿង ជាអ្នកមានផ្នត់គំនិតមើលបញ្ហាត្រូវតែដោះស្រាយម្តងមួយជំហានៗ។ ចំណែកទាសករមើលបញ្ហាអង្គុយបាក់ទឹកចិត្តនិងយំត្អូញត្អែរតែប៉ុណ្ណោះ។ 

លោក ដេបាស៊ី បានខំធ្វើការនិងប្តូរផ្នត់គំនិតទាសករទៅជាមនុស្សមានកំណើតជាអ្នកហ៊ានប្រឈមការពិតដើម្បីសាងបំណុលគេ និងដឹកនាំជីវិតកុំឱ្យដើរតាមដានជើងចាស់ពីមុនដោយចំណាយពេលអស់ជាច្រើនឆ្នាំ ទើបជីវិតមានសេរីភាពឡើងវិញ និងរស់នៅមានក្តីសុខ។ មនុស្សយើងដូចគ្នា ការផ្លាស់ប្តូរជីវិតដោយខំធ្វើការ និងសំលៀងផ្នត់គំនិតឱ្យរីកចម្រើន។ ព្រោះគំនិតរីក ជីវិតក៏រីកធំដែរ៕ អត្ថបទដោយ៖ ទ្រ សុភាព

លោកអ្នកអានសៀវភៅ លំហូរចិត្ត អ្នកអាចទិញតាមហេងឆេង២៤នេះ https://t.me/hangchhengH24 (កម្រាស់២៨០ទំព័រ និងមានសាច់បុគ្គលឆ្នើមៗនៅខ្មែរ១០នាក់)