ផ្លូវចិត្តរបស់អ្នកឆាប់បាក់ស្រុតព្រោះតែមានបញ្ហាច្រើនជាន់ពេក ម្តងមានបញ្ហាគ្រួសារ មួយជាន់មានបញ្ហាជាមួយក្រុមការងារ មួយជាន់បញ្ហាជាមួយដៃគូ និងមួយជាន់ទៀតបញ្ហារឿងលុយ ពេលអ្នកមានបញ្ហាច្រើនបែបនេះ នាំឱ្យផ្លូវចិត្តធ្លាក់ចុះខ្សោយលឿនណាស់រហូតកើតជំងឺផ្លូវចិត្ត។ ពេលអ្នកដើរតាមក្បួនទាំង៤ របស់លោក Robert G. Chu ជាអ្នកនិពន្ធសៀវភៅ The Samurai and the Power of 7 ដែលនិយាយអំពីផ្នត់គំនិតរបស់អ្នកចម្បាំងសាំម៉ូរៃនៃប្រទេសជប៉ុនបុរាណ ចិត្តរបស់អ្នកនឹងរឹងមាំឡើងវិញហើយ។

១. ជាអ្នកប្រយុទ្ធឱបក្រសោបលើវិន័យ និងការគ្រប់គ្រងខ្លួនឯងបំផុត៖ ជនសាំមូរ៉ៃត្រូវបានគេស្គាល់ថា ជាជនដែលមានវិន័យតឹងរឹងក្នុងការគ្រប់គ្រងលើខ្លួនឯង។ ពួកគេយល់អំពីសារៈសំខាន់ក្នុងការគ្រប់គ្រងអារម្មណ៍និងការជម្រុញខ្លួនឯង ដើម្បីធ្វើការសម្រេចចិត្តលើរឿងអ្វីមួយដោយសមហេតុផល និងក្លាហាន ពេលត្រូវប្រឈមមុខនឹងការលំបាកធំៗ ក៏ដោយ។ ការដាំដុះវិន័យនិងការគ្រប់គ្រងខ្លួនឯងអាចជួយពួកគេមានគំនិតមុតស្រួច និងទឹកចិត្តក្លៀវក្លាទៅដោះស្រាយបញ្ហានិងមានសមត្ថភាពបង្កើតជម្រើសកាន់តែប្រសើរឡើងនៅក្នុងជីវិតរបស់ពួកគេ។

២. កសាងកិត្តិយសរឹងមាំ៖ កិត្តិយសមានសារៈសំខាន់ណាស់ចំពោះជនសាំមូរ៉ៃ។ ពួកគេតែងតែផ្តល់តម្លៃលើភាពសុចរិត ភាពស្មោះត្រង់ និងភាពក្លាហានប្រកបដោយសីលធម៌ ដើម្បីរក្សារស្មារតីកិត្តិយសឱ្យរឹងមាំ និងយូរអង្វែង។ ព្រោះការសាងកិត្តិយសជាកសាងទំនុកចិត្ត រក្សាភាពសុចរិតរបស់ពួកគេ ដើម្បីធ្វើការសម្រេចចិត្តឱ្យស្របតាមតម្លៃរបស់ជនសាំមូរ៉ៃផងដៃរ។

៣. ដើរលើផ្លូវការអភិវឌ្ឍខ្លួនជាបន្តបន្ទាប់៖ ជនសាំមូរ៉ៃជាអ្នកមានគំនិតជឿលឿនក្នុងការអភិវឌ្ឍខ្លួនឥតឈប់ឈរនោះទេ។ ពួកគេបានឧទ្ទិសខ្លួនពួកគេចំពោះភាពស្ទាត់ជំនាញ ហើយព្យាយាមកែច្នៃអត្តចរិករបស់ពួកគេពេញមួយជីវិតតែម្តង។ ការទទួលយកផ្នត់គំនិតនៃការរៀនបន្តនិងការរីកចម្រើនអាចជួយពួកគេឈានដល់សក្តានុពលពេញលេញនិងជម្នះឧបសគ្គបានគ្រប់យ៉ាងងាយស្រួលផងដែរ។

៤. ទទួលយកភាពលំបាកនិងរៀនពីការបរាជ័យ៖ ជនសាំមូរ៉ៃបានយល់ថា ក្នុងជីវិតពិតជាក់ស្តែងភាពលំបាកនិងការបរាជ័យជាឱកាសក្នុងការរីកចម្រើនសមត្ថភាពរបស់ខ្លួន។ ពួកគេមានចិត្តក្លាហានប្រឈមមុខចំពោះបញ្ហា ដើម្បីរៀនសូត្រពីបញ្ហា រួចហើយបម្លែងវាឱ្យក្លាយជាឱកាស ​និងផ្លូវចិត្តរឹងមាំថែមទៀត។ ការបរាជ័យគ្រាន់តែជារឿងមួយនៅក្នុងជីវិតដែលចៀសអត់ផុតនោះទេ ប៉ុន្តែវាជាបទពិសោធន៍ដ៏មានតម្លៃក្នុងការសិក្សារៀនសូត្ររបស់ជនសាំម៉រ៉ៃ។ បើពួកគេអាចអភិវឌ្ឍសមត្ថភាពខ្លាំង តាមរយៈការប្រើប្រាស់ភាពបរាជ័យជាជំហានឆ្ពោះទៅរកភាពជោគជ័យនោះឯង៕ អត្ថបទដោយ៖ ទ្រ សុភាព

សៀវភៅ "លំហូរចិត្ត" លោកអ្នកអាចទិញតាម https://t.me/hangchhengH24